Aımaqtar • 27 Shilde, 2020

Polısııa dári-dármekterdi qymbattatýdyń 8 faktisin anyqtady

4 ret kórsetildi

Árıne, SQO aýmaǵynda dári-dármek baǵalaryn ar-ımansyz qymbattatýdyń faktileri joq, biraq ruqsat etilgen shekten asyp, halyqtyń qysyltaıańǵa urynǵan shaǵynan paıda tapqysy keletinder munda da tabylyp jatyr.

SQO polısııasy 256 dárihanaǵa reıd júrgizgen edi, sonyń ishinde baǵany kóterip satýdyń 8 faktisi anyqtaldy. Petropavl qalasyndaǵy dárihanalardyń birinde "Grıppostad" dárisi 1960 teńgege satylǵan, al onyń aqyrǵy quny 1631 teńge. Taǵy bir dárihanada "Aspırın Kardıo" úshin 1670 teńge suraǵan, al onyń baǵasy – 1382 teńge. Mamlıýt aýdanynda "Kardıomagnıl", "Trombopol", "Aspırın Kardıo", "Efferalgan" sııaqty dári-dármekterdiń, sondaı-aq medısınalyq betperdelerdiń baǵasy negizsiz kóterilgen. Medısınalyq betperdelerdiń aqyrǵy quny 118 teńgeni qurasa, Jambyl aýdanyndaǵy aýyldardyń birinde ol 150 teńgege satylǵan.

Vırýstyq aýrýlardy emdeýge arnalǵan dárilik preparattar jáne betperdeler azyq-túlik dúkenderinde, keıbir oblys turǵyndarynyń úılerinde saýdalanǵan. "Bundaı jaǵdaıda uzaq saqtaý erejelerin ustaný jáne taýardyń qaýipsizdigi týraly aıtýdyń ózi qıyn", - deıdi SQO PD Krımınaldyq polısııa basqarmasy bastyǵynyń mindetin atqarýshy, polısııa podpolkovnıgi Marat Jumalıev.

Oblys boıynsha osyndaı 14 ákimshilik quqyq buzýshylyq anyqtaldy. Materıaldar prosessýaldyq sheshim qabyldaý úshin Medısınalyq jáne farmasevtıkalyq qyzmetti baqylaý departamentine jiberildi.

 

Soltústik Qazaqstan oblysy

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar