Memleket basshysy Nursultan Nazarbaev Qazaqstan Respýblıkasynyń Prezıdenti janyndaǵy Munaı-gaz keńesiniń otyrysyn ótkizdi, dep habarlady Prezıdenttiń baspasóz qyzmeti.
Kezdesýde munaı-gaz salasyn odan ári damytýdyń, ony jańǵyrtý men ártaraptandyrýdyń ózekti máseleleri qaraldy.
Nursultan Nazarbaev enshiles kompanııalar arasynda fýnksııalardyń qaıtalanýyn joıyp, korporatıvtik basqarýdyń halyqaralyq standarttaryna sáıkestendirý maqsatynda «QazMunaıGaz» UK» AQ-tyń uıymdastyrýshylyq qurylymyn jetildirý qajettigin atap ótti.
Memleket basshysy munaı ónimderiniń ishki naryǵyn retke keltirýge jáne munaı óńdeý salasyn damytýdyń naqty perspektıvasyn anyqtaýdyń mańyzdylyǵyna nazar aýdardy.
Sondaı-aq, kezdesý barysynda Soltústik Kaspıı jobasyn odan ári iske asyrý jaıy jáne «Teńizshevroıl» JShS qyzmetimen birge munaı-gaz sektorynyń ózge de ózekti máseleleri qaraldy.
Otyrys qorytyndysynda Memleket basshysy qaralǵan máseleler boıynsha naqty tapsyrmalar berdi.
