Aldymen, Qasym-Jomart Kemeluly qoǵamnyń qazaq tilin qajettilik dep tanýy úshin birqatar sharany qolǵa alý týraly bylaı dedi: «Qazaq tilinde sóıleý maqtanysh bolýy úshin qoǵamda oǵan degen qajettilikti arttyrǵan jón. Memlekettik qyzmetke, onyń ishinde, halyqpen tyǵyz jumys isteıtin laýazymǵa taǵaıyndaý kezinde kásibı biliktiligine qosa, qazaq tilin jaqsy biletin azamattarǵa basymdyq berý kerek».
Prezıdenttiń bul usynysyna tutas halyq bolyp atsalysýymyz qajet dep oılaımyn. Bul oraıda, árbir qazaqstandyq qazaq tilinde sapaly qyzmet kórsetilýin talap etýi tıis. Munyń ózi kópshiliktiń aldynda tilimizdiń abyroıyn ósirgenimizdiń kórinisi bolar edi.
Gúlsezim TEMIRTAS,
qazaq tili men ádebıeti mamandyǵynyń magıstri
NUR-SULTAN
...qýanyshyn bólisedi
Jaqsydan sharapat
Ramazan aıynda Qojamjar aýyldyq aýmaǵyna barǵan edik, biraz jumys atqarylǵan eken. Kósheleri túzelip, tazalanyp, qıyrshyq tastar tóselgen. Meshit, mádenıet úıi, mektep mańaıy da tazalanyp, abattandyrylypty.
Ramazan aıynda aýylymyzda ósken kásipker Abyzbaı Adamovtyń bastamasymen basqa da azamattar qosylyp, Jambyl aýylynda ashana salyndy. Aýyl-qaladan kelgen azamattar asar shaqyryp, osy saýapty isti aıaqtady. Al Musa Tentekbaev, Jambyl Qaıyrbekov, Shakesh Mursálimova, Eskendir Qamı, Zıken Hamıtov aqsaqaldar da birlesip qarjylaı demeýshilik kórsetti.
Endi jyl saıyn Ramazan aıynda, Aıtta, Qurban aıtta aýyl jurty osy ashanada as beredi. Jaqsydan sharapat. Abyzbaıdyń uly Marat ta Jambyl, Qojamjar, Qaıran, Qaraoı aýyldaryndaǵy otbasylarǵa aýyzashar taratyp, qaıyrymdylyq kórsetti. Endi, mine Jambyl aýylynda azamattar birlesip jańa meshit qurylysyn júrgizip jatyr. Isterine sáttilik tileımiz.
Qabdolla JAMBYLULY
Pavlodar oblysy,
Aqtoǵaı aýdany
...pikir suraıdy
Fýtbol – súıip kóretin oıynymyz
Men – fýtbolsúıer jankúıerdiń birimin. Almaty qalasynda (1977-1982 jyldar) joǵary oqý ornynda oqyp júrgende biraz jas «Qaırat» fýtbol komandasynyń oıynyn ortalyq stadıonǵa úzbeı baryp kórýshi edik. Ol kezde bizben birge biraz tanymal adamdar da baryp jankúıer bolatyn. Sonyń biri aqyn Ábdilda Tájibaev aǵa da birge otyryp tamashalaýshy edi. Komanda jeńse balasha qýanyp, jeńilse kelesi oıynda jaqsy oıyndardy kútetin, jaryqtyq.
Búginde ózimniń súıikti «Qaırat», «Taraz» fýtbol komandalarynyń oıynyn kórýge zar boldyq qoı. Premer-lıganyń oıyndaryn stadıonda jankúıersiz (adamdarsyz) ótkize berse deımin. Odan eshkimge zııany tımeıdi. Fýtbol oıyndarynyń maýsymy ótip bara jatyr. Sebebi biz es bilgeli (50 jyldaı) fýtbol oıynyn oınap, ári kórip, bir marqaıyp, demalyp qalýshy edik. Búginde oıyndardy ǵalamtordan kórip kelemiz. Sizder ne deısizder, sport jankúıerleri?
Tóle NARJANOV
Jambyl oblysy,
Baızaq aýdany
...jańalyǵyn aıtady
О́leńim – ómir aınasy
О́lkemizden shyqqan aqyn Gúljaınar Nárenqyzymen «О́leńim – ómir aınasy» atty onlaın kezdesý ótkizildi. Kezdesýdiń maqsaty – Aqtóbe jerinen shyqqan daryndardyń shyǵarmalaryn, óner jolyn jas býyn men oqyrman qaýymǵa nasıhattaý.
Tikeleı efır barysynda aqyn qyzdyń shyǵarmalary men kitaptary týraly áńgimeler qozǵaldy. «Áke áldıi» atty kitabynyń tarıhy aıtyldy. Oqyrmandarynyń suraýy boıynsha ol balalyq shaqtaǵy qyzyqty estelikterimen bólisti.
Sondaı-aq óziniń sońynan erip kele jatqan jastardyń boıynan izgilik, adaldyq qasıetterin kórgisi keletinin de jasyrmady.
Gúljaınar Nárenqyzy kezdesý barysynda óleńderin oqysa, sońynan onyń kitaptarynan, baspasózge jarııalanǵan maqalalarynan kitap kórmesi jasaqtalyp, vırtýaldy kórmege bıblıografııalyq sholý jasaldy. Kesh ıesi osyndaı taǵylymdy kezdesý uıymdastyrǵan oblystyq jasóspirimder kitaphanasynyń ujymyna óziniń izgi tilegin bildirdi.
Laýra ERIKQYZY
AQTО́BE
...saǵynyshyn jetkizedi
Shyńǵa bitken shynardaı edińiz
Sizdi bári Dastan Ońdashuly Jańbyrbaev dep tanıtyn. Al men kókiregimdi maqtanysh sezimi kernep: «Aǵa!» deýshi edim. Biz otbasynda altaý edik. Eki qyz, tórt ul. Ákemiz tórt ulyn «Tórtqaranyń tórt uly!» dep otyratyn. Bul onyń tekti jerden shyqqandyqtaryn uldaryna ulaǵat etýi edi. Siz úlken aǵamyz retinde bizge úlgi boldyńyz. Siz ózińizge de, aınalańyzǵa da talapshyl edińiz. «Adamzattyń bárin súı, baýyrym dep» Abaı aqyn aıtqandaı, siz aınalańyzdaǵy barlyq janǵa janashyrlyq tanytyp, qamqorlyǵyńyzdy, qolyńyzdan kelgen járdemińizdi aıamaıtynsyz.
Aǵataıym! Artyńyzda qalǵan zaıybyńyz Ferýza men qyzdaryńyz Aıman men Aıjan aman bolsyn! Siz jasamaǵan ǵumyrdy solar jasap, siz kórmegen qyzyqtardy solar kórsin. Alty nemereńizdiń de ǵumyrlary uzaq, baqyttary baıandy bolsyn dep tileımin.
Artyńyzda qalǵan aǵaıynǵa sabyr serik bolsyn! О́zińiz qatty jaqsy kórgen qazaǵyńyz mynaý alapat indetten aman shyqsyn. Birligi berekege, yntymaǵy yrysqa bastasyn!
Sizdi kórsem kózime shyńǵa bitken shynar elesteıtin. Shyńda japyraq jaıyp, jaıqalý – shynar aǵashyna tán qasıet. Ol – qazaq uǵymyndaǵy kıeli aǵash, áýlıe aǵash. Meniń áýlıem siz edińiz, aǵataı! Qatty saǵyndym.
Sholpan OŃDAShQYZY
ALMATY
