2013 jylǵy 17 sáýir, Astana qalasy
Azamattyq avıasııadaǵy ushýdy meteorologııalyq qamtamasyz etý salasyndaǵy táýekelder dárejesin baǵalaý ólshemderin bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 14-baby 1-tarmaǵynyń 41) tarmaqshasyna sáıkes buıyramyn:
1. Qosa berilip otyrǵan Azamattyq avıasııadaǵy ushýdy meteorologııalyq qamtamasyz etý salasyndaǵy táýekelder dárejesin baǵalaý ólshemderi bekitilsin.
2. Qazaqstan Respýblıkasy Kólik jáne kommýnıkasııa mınıstrliginiń Azamattyq avıasııa komıteti (B.K. Seıdahmetov):
1) osy buıryqtyń belgilengen zańnamalyq tártippen Qazaqstan Respýblıkasy Ádilet mınıstrliginde memlekettik tirkelýin;
2) buıryqtyń Qazaqstan Respýblıkasy Ádilet mınıstrliginde memlekettik tirkeýden keıin onyń buqaralyq aqparat quraldarynda, sondaı-aq Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda resmı jarııalanýyn jáne MOIP ornalastyrylýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri A.Ǵ.Bekturovqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.JUMAǴALIEV.
Qazaqstan Respýblıkasy Kólik jáne kommýnıkasııa mınıstriniń
2013 jylǵy 17 sáýir №273 buıryǵymen bekitildi
Azamattyq avıasııadaǵy ushýdy meteorologııalyq qamtamasyz etý salasyndaǵy táýekelder dárejesin baǵalaý ólshemderi
1. Osy Azamattyq avıasııadaǵy ushýdy meteorologııalyq qamtamasyz etý salasyndaǵy táýekelder dárejesin baǵalaý ólshemderi (budan ári – О́lshemder) baqylaý sýbektilerin belgili bir táýekel tobyna jatqyzý úshin «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń zańyna sáıkes ázirlengen.
2. Osy О́lshemderde mynadaı uǵymdar paıdalanylady:
1) táýekel – azamattyq avıasııa salasyndaǵy ushýdy meteorologııalyq qamtamasyz etý qyzmeti nátıjesindegi onyń saldarynyń aýyrlyq dárejesi eskerile otyryp, adamnyń ómirine nemese densaýlyǵyna, jeke jáne zańdy tulǵalardyń zańdy múddelerine, memlekettiń múliktik múddelerine zııan keltirý yqtımaldyǵy;
2) tekseriletin sýbektiler – memlekettik organdar, memlekettik zańdy tulǵalar, azamattyq avıasııa salasyndaǵy ushýdy meteorologııalyq qamtamasyz etý boıynsha qyzmetti júzege asyratyn zańdy tulǵalar.
3. Azamattyq avıasııadaǵy ushýdy meteorologııalyq qamtamasyz etý salasyndaǵy ólshemder mynalarǵa bólinedi:
1) tekseriletin sýbektiler qyzmetiniń túrine baılanysty táýekelder mańyzdylyǵyna negizdelgen obektıvtik túri;
2) tekseriletin sýbektiler tarapynan Qazaqstan Respýblıkasynyń áýe keńistigin paıdalaný jáne avıasııa qyzmeti týraly zańnamasyn buzýyna baılanysty belgilenetin sýbektıvti túri.
4. Tekseriletin sýbektilerin táýekel tobyna obektıvtik ólshemderdi esepke ala otyryp, birinshige jatqyzý júzege asyrylady.
5. Tekseriletin sýbektilerin táýekel tobyna sýbektıvtik ólshemderdi esepke ala otyryp, keıingige jatqyzý.
6. Obektıvti ólshemder boıynsha joǵary táýekel dárejesine birinshi jatqyzylǵan tekseriletin sýbektilerge sýbektıvti ólshemniń táýekel dárejesi qoldanylmaıdy.
Táýekeldiń joǵarǵy dárejesine jatqyzylǵan tekseriletin sýbektiler jarty jylda bir ret baqylaýdan ótedi.
7. Obektıvti ólshemder boıynsha:
1) joǵary táýekel tobyna ortasha táýlikti áýeaılaqtardaǵy qarqyndy ushýlar otyz jáne odan da kóp bolǵan kezde azamattyq avıasııa ushýlaryna meteorologııalyq qyzmet kórsetetin tekseriletin sýbektiler jatady (ótken jyldyń qorytyndysy boıynsha (jartyjyldyq);
2) ortasha táýekel tobyna ortasha táýlikti áýeaılaqtardaǵy qarqyndy ushýlar otyzdan kem bolmaǵan kezde azamattyq avıasııa ushýlaryna meteorologııalyq qyzmet kórsetetin tekseriletin sýbektiler jatady (ótken jyldyń qorytyndysy);
3) tekseriletin sýbektiler eleýli emes táýekel tobyna jatqyzylmaıdy.
8. Sýbektıvti ólshemder boıynsha:
1) joǵary táýekel tobyna tekserý nátıjesi boıynsha 6 jáne odan da kóp ball jınaǵan tekseriletin sýbektiler jatady;
2) ortasha táýekel tobyna tekserý nátıjesi boıynsha 3-ten 5 balǵa deıin jınaǵan tekseriletin sýbektiler jatady;
3) eleýli emes táýekel tobyna tekserý nátıjesi boıynsha 0-den 1 balǵa deıin jınaǵan tekseriletin sýbektiler jatady;
Táýekel dárejesin baǵalaý boıynsha sýbektıvti ólshemder sáıkesinshe saladaǵy tekseriletin sýbektilerdi baqylaý osy О́lshemderge qosymshada keltirilgen.
9. Bir táýekel tobyndaǵy tekseriletin sýbektilerdi tekserýler josparyna qosylatyn birinshi kezekti ólshemder:
1) buryn júrgizilgen tekseris nátıjesi boıynsha sýbektilerdi kóp jınalǵan balldyń sany;
2) sońǵy júrgizilgen josparly tekseris merziminiń eskirýi.
Azamattyq avıasııadaǵy ushýlardy meteorologııalyq qamtamasyz etý salasyndaǵy táýekelder dárejesin baǵalaý ólshemderine qosymsha
№ О́lshemder Ball
1 2 3
1 «Qazaqstan Respýblıkasynyń azamattyq avıasııasyn meteorologııalyq qamtamasyz etý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 29 jeltoqsandaǵy № 1768 qaýlysymen bekitilgen Qazaqstan Respýblıkasynyń azamattyq avıasııasyn meteorologııalyq qamtamasyz etý qaǵıdalarynyń úlgilik syzbasy boıynsha belgilengen naqty áýeaılaqta avıasııalyq paıdalanýshylardy meteorologııalyq qamtamasyz etý áýeaılaq meteorologııalyq organynyń ókilderi ázirlegen jáne áýe qozǵalysyn uıymdastyrý (ÁQU) organdarymen jáne áýejaı ákimshiligimen kelisilgen Áýeaılaqta ushýlardy meteorologııalyq qamtamasyz etý nusqaýlyǵynyń bolmaýy. 3
2 Meteorologııalyq baqylaý fýnksııasy júzege asyrylatyn ushý aqparatynyń belgilengen aýmaǵynyń nemese dıspetcherlik aýdanynyń bolmaýy . 3
3 Jergilikti turaqty jáne arnaıy málimetterdiń shyǵarylmaýy. 3
4 Áýeaılaq boıynsha turaqty meteorologııalyq málimet (METAR) jáne arnaıy meteorologııalyq málimet (SPECI) shyǵarýynyń bolmaýy. 3
5 Shyǵarylatyn málimetterdiń mazmuny jáne formaty qaǵıdalarynyń belgilengen talaptaryna sáıkes kelmeýi. 3
6 Belgilengen qaǵıdalardaǵy meteorologııalyq málimetterin taratý tártibiniń saqtalmaýy. 3
7 TAF áýeaılaǵy boıynsha boljamdardy shyǵarýdyń, ushýǵa jáne qonýǵa arnalǵan boljamdardyń bolmaýy. 3
8 Áýeaılaq boıynsha ushý jáne qoný úshin shyǵarylatyn boljamdarynyń mazmuny men formaty qaǵıdalaryna belgilengen talaptarynyń sáıkes kelmeýi. 3
9 Ushý baǵyty jáne aýdandary boıynsha boljaýlardyń shyǵarylýynyń bolmaýy. 3
10 Ushýdyń baǵyty jáne aýdandary boıynsha boljamnyń mazmuny men formaty qaǵıdalarynyń belgilengen talaptarǵa sáıkes kelmeýi. 3
11 Tómen bıiktikterdegi ushýǵa arnalǵan GAMET aımaqtyq boljaýlary shyǵarylýynyń bolmaýy. 3
12 Tómen bıiktikte ushýǵa arnalǵan GAMET aımaqtyq boljaýlary mazmuny men formaty qaǵıdalarynyń belgilengen talaptarǵa sáıkes kelmeýi. 3
13 Aýa raıy meteorologııalyq sharttary men aýa raıy qubylystar qarqynynyń paıda bolýy nemese ózgerýi týraly eskertýlerdiń shyǵarylmaýy. 3
14 Aýa raıy meteorologııalyq jaǵdaılary men qubylysy qarqyndylyǵynyń paıda bolýy men ózgerýi boıynsha eskertýlerdiń mazmuny men formaty qaǵıdalarynyń belgilengen talaptarǵa, sondaı-aq jel qozǵalysy týraly eskertý men habarlamalar shyǵarylýynyń sáıkes kelmeýi. 3
15 Áýe kemelerdiń tómengi bıiktikte ushý qaýipsizdigine (budan ári – AIRMET) áser etetin ushý baǵdarynda belgili aýa raıylyq qubylys paıda bolýy jáne áýe kemeleriniń ushý qaýipsizdigine (budan ári – SIGMET) áser etetin baǵdardaǵy aýa raıy jaǵdaıy týraly aqparatty jibermeý. 3
16 AIRMET jáne SIGMET aqparattarynyń mazmuny men formaty qaǵıdalarynyń belgilengen talaptarǵa sáıkes kelmeýi. 3
17 Áýe kemeleri ekıpajynyń ushý aldyndaǵy meteorologııalyq daıyndyǵyn júrgizý kezinde konsýltasııalar jáne meteoaqparatty kórsetý boıynsha talaptardyń saqtalmaýy. 3
18 ÁK ekıpajyna beriletin meteorologııalyq aqparatty ázirleý jáne ushý qujattamasyna engiziletin talaptardyń saqtalmaýy. 3
19 Ushý aldyndaǵy daıyndyqtyń avtomattandyrylǵan júıesin paıdalaný kezinde qaǵıdalar talaptarynyń saqtalmaýy. 1
20 Áýe qozǵalysyna qyzmet kórsetý organdary úshin aqparat berý kezinde qaǵıdalar talaptarynyń saqtalmaýy. 3
21 О́ndiristi basqarý organdary úshin aqparatty berý kezinde qaǵıdalar talaptarynyń saqtalmaýy. 1
22 Qaǵıdalarda belgilengen merzimge sáıkes barlyq meteorologııalyq qujattar, málimetter jáne basqa da qujattamalardyń saqtalýyn qamtamasyz etilmeýi. 3
23 Aeronavıgasııalyq aqparat qyzmeti organdary úshin aqparat berý kezinde qaǵıdalar talaptarynyń saqtalmaýy. 3
24 Avıasııalyq jumystardyń, taýly jerlerdegi ushýdyń, tikushaqtardyń teńiz kemelerine jáne ashyq teńiz platformalaryna ushýdyń meteorologııalyq qamtamasyz etý erekshelikteriniń saqtalmaýy. 3
25 Áýeaılaqtyq meteorologııalyq organnyń baılanysqa arnalǵan talaptarynyń saqtalýy jáne onyń meteorologııalyq aqparatty taratý kezinde paıdalanylýy. 3
26 Avıasııalyq klımattyq aqparatty júrgizý qaǵıdalary talaptarynyń saqtalmaýy. 1
Buıryq Qazaqstan Respýblıkasynyń Ádilet mınıstrliginde 2013 jylǵy 13 mamyrda Normatıvtik quqyqtyq kesimderdi memlekettik tirkeýdiń tizilimine №8461 bolyp engizildi.
