Nur-Sultanda ana men bala óliminiń azaıýy baıqalady

Otyrysqa Nur-Sultan qalasy ákiminiń orynbasary Baqtııar Maken, Densaýlyq saqtaý vıse-mınıstri Ajar Ǵınaıat, qaladaǵy medısınalyq uıym basshylary qatysty. 2020 jylǵy qańtar-maýsymda elordada ana ólimi 7,2%, náreste ólimi 1,3% tómendedi. Sonymen qatar neonataldy ólimniń (-1,5%) jáne bes jasqa deıingi balalar óliminiń (3%) tómendeýi baıqalady.

"Nur-Sultanda sábı ólimi tómendedi. Biraq bul bosańsýǵa sebep emes. Jumysty jaqsartý qajet", dedi jıynda Nur-Sultan qalasy ákiminiń orynbasary Baqtııar Maken.

Nur-Sultan qalalyq qoǵamdyq densaýlyq saqtaý basqarmasy basshysynyń mindetin atqarýshy Á.Rústemovanyń aıtýynsha, 2019 jylmen salystyrǵanda elordadaǵy jalpy syrqattanýshylyq 9,4%-ǵa tómendedi.

Aýrýshańdyq qurylymynda tynys alý júıesiniń aýrýlary aldyńǵy orynda – 40%-dy quraıdy. Belgili bolǵandaı, 2020 jyldyń 1 qańtarynan bastap qalanyń medısına uıymdary mindetti áleýmettik medısınalyq saqtandyrý júıesinde jumys isteı bastady. MÁMS pen KTMK boıynsha medısınalyq kómek kórsetýge kelisim-sharttar jasaǵan Nur-Sultan qalasyndaǵy barlyq 95 medısına uıymynda Densaýlyq saqtaý mınıstrligi men "Saqtandyrý" aqparattyq júıelerimen tolyqtaı ıntegrasııalanǵan medısınalyq aqparattyq júıeler engizildi. Medısınalyq kómekke tikeleı qoljetimdilikti qamtamasyz etý úshin "Úıdegi dáriger" jobasy belsendi túrde júzege asyrylýda. Bıyl 6 nysan ashyldy, jyl sońyna deıin taǵy 4 nysandy ashý josparlanýda.

"KVI boıynsha ahýaldy turaqtandyrý úshin atqarylǵan orasan zor jumys óz nátıjesin berdi. Sonymen, búginde qala turǵyndarynyń ótinimderiniń sany 2,3 ese – kúnine 3 410-nan 1 493-ke deıin; qońyraýlar sany eki ese – kúnine 2 368-den 1155-ke deıin azaıdy. Onyń ishinde KVI boıynsha 5 ese – kúnine 350-den 71-ge deıin tómendedi. Aýrýhanalarǵa túsken naýqastar sany 4 ese – kúnine 400-den 100-ge deıin azaıdy. Tıisinshe, tósek-oryn qorynyń júktemesi 90%-dan 39%-ǵa deıin tómendedi", dedi Á. Rústemova.

"Memleket basshysy stasıonarlarda josparly túrde emdeýge basa nazar aýdardy. Bul tek koronavırýs ınfeksııasy bar naýqastarǵa ǵana qatysty emes, biz sapaly medısınalyq kómekke muqtaj azamattardyń barlyǵyna qamqorlyq jasaýymyz kerek. Sondaı-aq qala turǵyndarynyń kelip túsken shaǵymdaryn da udaıy eskerý qajet. Jumys qaıta jolǵa qoıylǵan kezde olardyń sany artady", dedi B.Maken.

Kezdesý qorytyndysy boıynsha elordanyń densaýlyq saqtaý júıesiniń basym baǵyttary anyqtaldy. Bul densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyn júzege asyrý, medısına uıymdaryn kadrlarmen qamtamasyz etý, epıdemıologtardyń rólin kúsheıtý, pandemııa kezindegi jumys tájirıbesin eskere otyryp, BMSK jumysyn uıymdastyrý, sondaı-aq kúz-qys kezeńindegi koronavırýs ınfeksııasynyń kelesi tolqynyna daıyndyq júrgizý.