Endigi jerde el súıikti oryndaýshysy teatrdyń resmı Abay Theatre YouTube arnasynda daýys bere alady. "Abaı ánderi baıqaýy" QR Mádenıet jáne sport mınıstrliginiń qoldaýymen ótkizilip otyr.
Baıqaýǵa 6 jastan bastap 72 jas aralyǵyndaǵy Qazaqstannyń túkpir-túkpirinen barlyq oryndaýshylar qatysady. Qatysýshylar Almaty, Taldyqorǵan, Qaraǵandy, Qyzylorda, Jańaózen, Qyzylorda oblysy, Pavlodar, Túrkistan oblysy, Nur-Sultan, О́skemen, Semeı, Taraz, Ekibastuz, Aqtóbe, Arqalyq jáne Monǵolııadan ótinimder jiberdi.
"Uly Abaıdyń 175 jyldyǵyna oraı 2020 jyly aýqymdy baǵdarlama daıyndadyq, mereıtoı aıasynda TÚRKISOI elderiniń qatysýshylarymen halyqaralyq festıval ótkizý josparlanǵan bolatyn. Alaıda, pandemııaǵa baılanysty barlyq sharalardy keıinge qaldyrýǵa týra keldi. Biraq biz áli de onlaın-baıqaý ótkizip, oǵan kásibı emes oryndaýshylardy tartýdy sheshtik, óıtkeni Abaı – halyq aqyny. Baıqaýǵa TÚRKISOI elderiniń ókilderi de qatysa alady, osylaısha biz shyǵarmashylyq úshin shekarany keńeıtemiz, oryndaýshylar men janrlardy shektemeımiz. Qatysýshylar oıshyldyń shyǵarmalaryn jeke de, ansamblde de oryndaı alady. Sondaı-aq, baıqaý talanttardy anyqtaýǵa arnalǵan. Ádil onlaın daýys berý aıaqtalǵannan keıin barlyq jeńimpazdar uıymdastyrýshylar tarapynan gramota jáne dıplomdarmen marapattalady", – deıdi QMAOBT dırektory Aıa Qalıeva.
Elde karantın jarııalanǵan alǵashqy kúnnen bastap Abaı atyndaǵy QMAOBT óz kórermenderin jáne teatr óneriniń jankúıerlerin qýantyp, qoldaý kórsetý maqsatynda qoldan kelgenniń bárin jasap keledi jáne óz otandastaryn osy qarapaıym ýaqytta jaýapkershilik pen sabyrǵa shaqyrady. Teatr "О́ner onlaın" rejıminde mádenı is-sharalardy uıymdastyrýdaǵy bastamalardy qoldaıdy.
ALMATY
