Ulytaý oblysynyń prokýratýrasy Ekonomıkalyq tergep-tekserý departamentimen birlesip, óńir aýmaǵynda marganes kenin zańsyz óndirýdi uıymdastyrǵan qylmystyq tizbekti áshkereledi. Tergeý barysynda Qostanaı oblysynyń 50 jastaǵy turǵyny 2020-2023 jyldar aralyǵynda jer qoınaýyn paıdalanýǵa lısenzııasy men kelisimsharty joq bolsa da «Shyǵys Qarajal» ken ornynda marganes kenin óndirýdi jolǵa qoıǵany anyqtalǵan.
Sonymen qatar kúdikti qolma-qol aqshaǵa aınaldyrý tetikterin paıdalanyp, jalǵan mámileler arqyly paıdaly qazbalardy satýdan túsken qylmystyq tabysty zańdastyrǵan. Atalǵan kezeńde 16 myń tonnadan astam ken jóneltilip, memleketke 1,3 mlrd teńgeden asa zalal keltirilgen.
Qaraǵandy oblysynda temir rýdasyn zańsyz saýdalaǵandar ustaldy
Qylmystyq qyzmet nátıjesinde óńdelgen temir-marganes kenin el ishinde jáne shetelge satý arqyly 3,5 mlrd teńgeden astam paıda tabylǵan. Tergeý materıaldaryna sáıkes, tabys qylmystyq jolmen alynǵan qarajatty jasyrý jáne aınalymǵa engizý arqyly kóbeıtilgen.
Is Ulytaý oblysynyń sotynda qaralyp, aıyptalýshy 5 jyl 4 aı merzimge bas bostandyǵynan aıyryldy. Sondaı-aq jer qoınaýyn paıdalaný salasyndaǵy qyzmetpen aınalysý quqyǵynan 5 jylǵa shekteldi. Memleket kirisine 4,8 mlrd teńge óndirilip, qylmystyq jolmen alynǵan qarajatqa satyp alynǵan 3 jeńil jáne 2 júk avtokóligi tárkilendi.
Túrkistanda munaı ónimderin zańsyz áketkenderge aıyppul salyndy
Sot úkimi zańdy kúshine endi.
Eske sala keteıik, budan eki jyl buryn dál osyndaı oqıǵa osy Ulytaý oblysynda tirkelgen.
