«Qazirgi konstıtýsııalyq reforma taban astynan paıda bolǵan joq. Bul – Qazaqstannyń 2022 jyldan bastap qolǵa alǵan kúrdeli saıası ózgeristeriniń zańdy jalǵasy. Ol kezde elimiz saıası kúızelistersiz, birtindep evolıýsııalyq reformalar jolymen alǵa jyljydy», dedi depýtat.
Erkin Ábil: Tarıhı sabaqtastyqty Konstıtýsııada bekitý – ult jadyn qorǵaý
Nurlan Áýesbaev bir palataly Parlamentke qatysty synnyń kúsheıýin de zańdy qubylys dep baǵalady. Onyń aıtýynsha, qoǵam zań shyǵarýshy organnan tıimdilik pen jaýapkershilikti talap ete bastady.
«Biz zań shyǵarýshy bıliktiń kúrdeli ári aýyr júıesinen bas tartyp, qoǵam úshin qarapaıym, túsinikti jáne jaýapty formalaryna kóshý qajet dep eseptedik. Sosıal-demokrattar úshin bul jańalyq emes. 2013 jyly qabyldanǵan partııa baǵdarlamasynda ýnıtarly memleket úshin ekipalataly parlamenttiń tıimsiz ekeni naqty ári dáıekti túrde aıtylǵan», dedi ol.
Depýtattyq saýalda jańa Konstıtýsııa jobasynda qoǵamdyq dıalogty kúsheıtýge baǵyttalǵan birqatar tetikter qarastyrylǵany atap ótildi. Atap aıtqanda, Halyq Keńesi formatyndaǵy qoǵamdyq dıalog alańyn qalyptastyrý, sondaı-aq azamattardyń jeke usynystaryn erkin bildirýine múmkindik beretin joǵary konsýltatıvtik organ qurý usynylǵan. Bul bastamalar qoǵam men memleket arasyndaǵy baılanysty nyǵaıtýǵa baǵyttalǵan.
Jańa Konstıtýsııa jobasynda azamattardyń quqyǵyn sıfrly ortada qorǵaý normasy bekitildi
Sonymen birge jańa Konstıtýsııa jobasynda bılikti bir qolǵa shoǵyrlandyrýǵa jol bermeıtin naqty shekteýler engizilip otyr. Prezıdent ókilettiligi bir ret qana, jeti jyldyq merzimmen bekitilip, ýaqytsha ókiletti tulǵanyń qaıta saılaný quqyǵy alynyp tastalǵan. Sondaı-aq kelesi prezıdenttiń Konstıtýsııany ózgertý maqsatynda parlamentti taratý quqyǵy negizsiz dep tanylǵan.
Maqsat Tolyqbaı: Jańa Ata zańnyń qazaq tilindegi nusqasy tolyqtaı qaıta jazyldy
Beıbit jınalystar men sóz bostandyǵyna qatysty alańdaýshylyqqa da depýtat jeke toqtaldy. Onyń aıtýynsha, jańa joba azamattardyń quqyqtaryn shekteýdi kózdemeıdi. Qujatta beıbit jınalys ótkizý erkindigi, sóz bostandyǵy jáne óz pikirin aıtý quqyǵy burynǵy qalpynda saqtalyp, tek quqyqtyq tujyrymdar naqtylanǵan.
Jalpyulttyq sosıal-demokratııalyq partııa (JSDP) fraksııasy bul reformany saıası jaǵdaıǵa beıimdelý emes, partııanyń jıyrma jylǵa jýyq ýaqyt boıy qorǵap kelgen qaǵıdattarynyń iske asýy dep qabyldaıdy. Depýtattyń pikirinshe, jańa Konstıtýsııa jobasy qoǵamnan shyqqan naqty suranystarǵa negizdelgen, al basty mindet – reformalardyń mazmunyn azamattarǵa ashyq ári túsinikti jetkizý.
