Kezdesý barysynda qoǵamdyq keńesterge qatysty áleýmettik normalar men erejelerdi bir júıege keltirýdiń ózekti máseleleri qozǵaldy.
«Qoǵamdyq keńester memlekettik organdardyń ashyqtyǵy men esep berýshiligin qamtamasyz ete otyryp, ınstıtýsıonaldyq reformany qozǵaýshy kúshke aınala almaı otyrǵany jasyryn emes. О́kinishke qaraı kóptegen jaǵdaılarda qoǵamdyq keńesterdiń usynymdary memlekettik organdar tarapynan qaraýsyz qalady. Bul turǵyda memlekettik sharalardy qoǵamdyq baqylaý árqashan da pármendi tetik bolyp qala bermek. Pandemııa bul jumystyń qanshalyqty mańyzdy ekenin kórsetti», dedi A.Balaeva.
Sondaı-aq kezdesýde qoǵamdyq keńesterdiń qyzmetin jetildirý jáne olardyń qoǵamdyq ómirge belsendi qatysýy boıynsha naqty usynystar aıtyldy. Mınıstrlik jaqyn arada qoǵamdyq keńesterdiń iske asyrylyp jatqan barlyq jobalarymen tanysyp qana qoımaı, olarǵa odan ári qoǵamdyq baqylaý bastamasymen taldaý jasaýdy kózdeıtin memlekettik baǵdarlamalardyń biryńǵaı portalyn iske qosýdy josparlap otyr.
Kezdesýde halyqtyń áleýmettik osal toptary úshin jaǵdaı jasaýǵa baqylaý júrgizý jónindegi máseleler de qaraldy. Bul baǵytta búgingi tańda mınıstrlik janynan arnaıy komıssııa qurylǵan. Qoǵamdyq keńesterge máseleler kóterýmen ǵana shektelmeı, tájirıbe almasýda da belsendi bolý usynyldy.
– Qoǵamdyq keńesterdiń áleýeti óte joǵary. Tek ony barynsha paıdalaný kerek jáne ınstıtýttyq erkindikti kóbirek kórsetý kerek. Adamdar bizden osyny kútip otyr, – dep atap ótti mınıstr.
Almaty qalasynyń, Atyraý, Qaraǵandy, Soltústik Qazaqstan oblystarynyń qoǵamdyq keńes tóraǵalary jumys tájirıbelerimen bólisip qana qoımaı, pandemııa kezeńinde qoǵamdyq keńesterdiń qoǵam ómirine belsendi qatysýyn jandandyrý boıynsha birqatar usynystar engizdi.
Osylaısha, Atyraý oblysy qoǵamdyq keńesiniń tóraǵasy M.О́teshov QK-ke ádistemelik qoldaý kórsetetin Respýblıkalyq ádistemelik ortalyq qurýdy usyndy. Budan basqa, ol QK týraly zań jobasyna ónerkásiptik óńirlerdegi sheteldik kompanııalarmen ózara is-qımylǵa qatysty túzetýler engizýdi usyndy. Almaty qalasy qoǵamdyq keńesiniń tóraǵasy R.Alshanov aldaǵy saılaýda máslıhat depýtattyǵyna saılaý úshin qoǵamdyq keńesterdiń laıyqty múshelerin usyný týraly pikirin aıtty.
Qaraǵandy oblysy qoǵamdyq keńesiniń tóraǵasy E.Aımaǵambetov óńirlerdiń ekologııalyq ál-aýqatyn jaqsartý boıynsha sharalar qabyldaý qajettiligi týraly aıtty. Soltústik Qazaqstan oblysy qoǵamdyq keńesiniń tóraǵasy Q.Ediresov óz sózinde aýyl jastaryn qoldaý, olardy jumysqa ornalastyrý jáne jumyspen qamtý boıynsha sharalar qabyldaý qajettigi týraly málimdedi.
Budan basqa, qoǵamdyq keńester Memleket basshysynyń karantındi eki aptaǵa uzartý týraly sheshimin biraýyzdan qoldady, bul rette mundaı sharalar halyqtyń densaýlyǵy men ál-aýqatyna oń yqpal etetinin atap ótti.
Jalpy, kezdesý aıasynda qoǵamdyq keńester qyzmetin jetildirýge jáne olardyń rólin arttyrýǵa yqpal etetin birqatar perspektıvalyq tetikter usynyldy. Olardyń ishinde QK-niń úılestirý ortalyǵyn qurý, ortalyq deńgeıde usynymdar men sheshimderdi odan ári ázirleý úshin ózekti máselelerdiń biryńǵaı bazasyn qurý, QK ókilderiniń, onyń ishinde saraptamalyq ortalyqtardyń áleýetin arttyrý, óńirlerdegi qoǵamdyq keńester músheleriniń bastamalaryn qoldaý boıynsha shaǵyn granttar baǵdarlamasyn iske asyrý isi bar.
Keńesterdiń mınıstrlikpen odan ári ózara is-qımylyn jaqsartý maqsatynda Azamattyq qoǵam isteri komıtetimen 10 kúnde bir ret, mınıstr A.Balaevamen aıyna bir ret, Úkimet deńgeıinde árbir jarty jyldyqta qoǵamdyq keńestermen turaqty kezdesýler uıymdastyrý usynyldy. Sondaı-aq mınıstrlik mundaı kezdesýlerdi jarty jylda bir ret Úkimet deńgeıinde ótkizip otyrý týraly usynys engizetin bolady.
Mınıstr Úkimet janynan QK úılestirý ortalyǵyn qurý, ózekti máselelerdiń biryńǵaı bazasyn ashý, sarapshylar bazasyn qalyptastyrý arqyly qoǵamdyq keńes saraptamalyq áleýetin kúsheıtý qajettigin atap ótti.
A.Balaeva, kezdesýdi qorytyndylaı kele, mınıstrliktiń qaı kezde de yntymaqtastyqqa ashyq jáne barlyq máseleler boıynsha ózara dıalogqa daıyn ekenin atap ótti. Bul turǵyda qoǵamdyq keńester «halyq únine qulaq asatyn memleket» tujyrymdamasyn iske asyrýdyń negizgi quraly retinde qarastyrylady.
Aıta keteıik, qoǵamdyq keńester memleket pen azamattyq qoǵam arasyndaǵy dıalog nysany retinde 2016 jyly «100 naqty qadam» Ult josparyn iske asyrý sheńberinde quryldy. Bul memlekettik emes ınstıtýttar memlekettik sheshimder qabyldaýdyń ashyqtyǵyn arttyrýǵa arnalǵan konsýltatıvtik-keńesshi, baqylaýshy organdar bolyp tabylady.
Búginde Qazaqstanda respýblıkalyq jáne jergilikti deńgeılerde 234 qoǵamdyq keńes jumys isteıdi (Respýblıkalyq deńgeıde – 18, óńirlik deńgeıde – 216). Qoǵamdyq keńesterdiń jumysyna 3500-den astam adam qatysady.
