Qazaqstandyq oqýshylar tórt qola medal jeńip aldy

Olımpıadaǵa álemniń 60 elinen 200-den astam oqýshy qatysty. Qazaqstan osy týrnırge irikteý týrlary men Mende­leev olımpıadasynyń jalpy reıtıngisiniń nátıjeleri boıynsha qurama komandanyń múshesi bolǵan 4 konkýrsantty usyndy.

Olımpıada qorytyndysy boıynsha qurama komandanyń barlyq músheleri qola medalǵa ıe boldy. Jeńimpazdar qata­ryn­da Pavlodar qalasyndaǵy hımııa-bıologııa baǵytyndaǵy Nazarbaev zııatkerlik mektebi DBBU-nyń oqýshysy Haıdar Qaıyrbek; Nur-Sultan qala­syndaǵy hımııa-bıologııa baǵy­tyndaǵy Nazarbaev zııatkerlik mektebi DBBU-nyń oqýshysy Ábilmansur Mýjýbaev jáne daryndy er balalarǵa arnalǵan «Bilim-ınnovasııa» lıseı-ınter­natynyń oqýshysy Baqdáýlet Seısenqul; Almaty qalasyndaǵy «Galaxy» halyqara­lyq mekte­bi­niń oqýshysy Kıb­rııanýr Abdýgafarova bar.

Qurama komandanyń jat­tyq­tyrýshylary – Q.Sát­baev­ atyn­daǵy Qazaq ult­tyq teh­nıka­lyq zertteý ýnıversıtetiniń hımııa­lyq ınjenerııa magıstri Er­nur Tólep pen «Nazarbaev Ýnıver­sıtetiniń» magıstranty Ázim Amanjolov eńbeginiń nátı­jesinde qazaqstandyq oqý­­­­shy­lar hımııa páninen 52-shi­ halyq­aralyq olımpıadada­ eli­mizdi laıyqty deńgeıde kór­sete bildi.

Jalpy, Halyqaralyq hımııa olımpıadasy (International Chemistry Olympiad-IChO) – daryndy oqýshylarǵa arnalǵan hımııa páni boıynsha jyl sa­ıyn ótetin dástúrli halyqaralyq olımpıada.