Oqıǵa • 03 Tamyz, 2020

BAÁ atom stansasyn iske qosty

14 ret kórsetildi

Al Jazeera arnasynyń málimet­terine súıensek, Birikken Arab Ámir­lik­teri Parsy shyǵanaǵy elderi arasynda birinshi bolyp atom elektr stansasyn salýǵa kirisken bolatyn.

Emirates Nuclear Energy Corpo­ration-niń habarlaýynsha, nysandy iske qosý ju­mys­tary áldeqashan bastalyp ketken kórinedi. «Baraka» dep atalatyn atom elektr stansasy Ábý-Dabı qalasynyń batys jaǵalaýynda ornalasqan. Keshen 2017 jyly ashylýy tıis-tuǵyn. Alaıda túrli jaǵdaıǵa baılanysty keıinge shegerilip kelgen.

Dýbaıdyń ámirshisi sheıh Muhammed bın Rashıd ál-Maktým súıinshi habardy týıtterdegi paraqshasynda jazyp, alǵashqy ıadrolyq otyn sátti toltyrylǵanyn jarııalady. Onyń aıtýynsha, «Baraka» arab álemin­degi beıbit maqsatta qoldanylatyn alǵashqy atom energııasy.

«Biz negizgi maqsatymyzǵa – halqymyzdyń energetıkalyq qajettilikterin ótep, aldaǵy damýy­myzdy qaýipsiz, senimdi ári zııansyz elektr energııa­symen qamtamasyz etýge taǵy bir qadam jasadyq», dedi ENEC kompanııasynyń tóraǵasy Muhamed Ibrahım ál-Hammadı.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar