Oqıǵa • 03 Tamyz, 2020

Jyraqta ótken jıyrma jyl

1052 ret kórsetildi

Tájikstan Respýblıkasynyń azamaty Boboradjab Djavlıev týǵan jerine, otbasyna oralmaǵanyna jıyrma jyl bolypty. Sonaý 2000 jyly tabys tabý úshin Reseıge barǵan saparynan áli orala almaı júr. Birde Másekeýde, endi birde Týlada qurylys jumystarymen aınalysypty. Al byltyr kóshede júrgen oǵan atyraýlyq Leontıı Demıashev kezdesipti. Biraq Tájik­stan azamaty Atyraýǵa qashan, qa­laı kelgenin esine túsire almady.

– Tabys taýyp, elime orala­myn dep oıladym. Qujat­tarymdy joǵaltyp aldym. Kómek suraıtyn tanystarym da joq. Soqqyǵa jyǵylǵannan bolý kerek, kóp nárseni umytyp qalamyn, – deıdi tájikstandyq Boboradjab Djavlıev.

О́zge elde qujatsyz, jıyr­ma jyl boıy otbasynan jyraqta júrý kimge ońaı deısiz? Sol sebep­ten, Leontıı Demıa­­shev ony saıajaıynda panalatyp, kún­delikti azyq-túlikpen qamtydy. Me­dısına salasynda jumys isteıtin týys­tary arqyly mıg­ranttyń densaýlyǵyn túzeýine, Tájikstandaǵy otbasyn tabýyna kómektesti. Qazir mıgranttyń aǵasy tabylyp, ekeýi bir-birimen telefon arqyly sóılesipti. Al Dýshanbede turatyn otbasy men týystary ony jıyrma jyldan beri sarǵaıa kútip otyr.

– Meniń maqsatym – qujat­taryn rettep, otbasymen qaýyshýyna kómektesý. Birneshe aıdan beri men de, otbasym da oǵan baýyr basyp qaldyq. Biraq onyń da  otbasy, týys­tary bar ǵoı. Men solardy taýyp berýge áýede etken edim. Al onyń otbasy men aǵa­­ıyn-týysynyń jylýyn sezinbegenine jıyr­ma jyl ótti, – deıdi Leontıı Demıashev.

Boboradjab Djavlıevtyń qujattaryn retteýge bir aıdaı ýaqyt qajet. Qazir ol arnaıy ortalyqta turyp jatyr. 

 

ATYRAÝ

 

Sońǵy jańalyqtar

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Elimizde kúnbaǵys maıy qymbattady

Qoǵam • Búgin, 11:18

Uqsas jańalyqtar