Qazylar alqasyna amerıkalyq matematık, kóptegen kitaptar men jarııalanymdardyń avtory, MIT professory Yufei Zhao tóraǵalyq etti. Qazaqstan quramasy bir altyn, úsh kúmis, eki qola ıelenip, komandalyq esepte 20-oryn aldy.
Aıbek Myrzataı altyn, Qasym Muhanbetııar, Danat Dúısenbekov, Marlen Raýshanovtar kúmis, Dılnaz Ýalıeva men Nurtas Shyntas qola júldemen jeńimpazdar qatarynan kórindi. Sondaı-aq Batyrhan Sákenov madaqtama qaǵazyn ıelendi.
"Onlaın rejimde ótken olımpıadaǵa 80 el qatysty. Bizdiń arnaıy platformaǵa júktegen tapsyrmalarymyzdyń sheshimin ártúrli elderdiń muǵalimderi tekserdi. Uıymdastyrýshylar muny qyrkúıek aıynda onlaın ótetin Halyqaralyq matematıka olımpıadasy qarsańynda «qyzyqty jattyǵý» dep atady. Olımpıada tapsyrmalaryn úıde otyryp oryndaǵan aýdıtorııada otyryp esep shyǵarǵannan ózgeshe eken. Osy nárse esimde qaldy. Keıde bul Olımpıada ekenin umytyp, birshama jeńil qaraı bastaısyń", dedi kúmis medal ıegeri, Nur-Sultan bilim-ınnovasııa lıseıiniń túlegi Danat Dúısenbekov.
Reseı, AQSh jáne Ońtústik Koreıa úzdik úshtiktiń qatarynan kórindi. Ýkraına – 15, Ázirbaıjan – 25, Armenııa – 45, Tájikstan – 50, О́zbekstan – 54 orynǵa turaqtady. Bizdiń oqýshylarymyzdyń jeńisi – muǵalimder men ata-analardyń, mektepterdiń jeńisi. Atap aıtsaq, bizdiń jeńimpazdar oqyǵan mektepter: Atyraý "Bilim-Innovasııa" lıseıi, Haileybury Almaty, Nur-Sultan "Bilim-Innovasııa" lıseıi, Nur-Sultan Zerde mektebi jáne Almaty RFMM.
