Bıyl alǵash ret Ortalyqtyń irgeles aýmaǵynda shaǵyn kókónis baqshasy otyrǵyzylyp, túrli aýylsharýashylyq daqyldaryn ósirý jumystary uıymdastyryldy. Bul jazda balalardy eńbekke baýlýǵa, kókónis ósirýge jaǵdaı jasaldy. Balalar sábiz, qyzylsha, shalǵam jáne pııazdy ózderi ósirdi.
Sondaı-aq tamyr alyp, kelesi jyly alǵashqy jemisin beretin qulpynaı otyrǵyzdy. Ártúrli taǵamdar pisirip, sheberlik sabaqtaryna qatysý balalardyń súıikti oıyn-saýyǵyna aınaldy. Ortalyqtyń aspazdary men tárbıeshileri balalarǵa durys tamaqtaný jáne tamaqtaný mádenıeti, túrli taǵamdar daıyndaý boıynsha ártúrli sheberlik sabaqtaryn ótkizdi. Chellendjder men serýender uıymdastyrdy.
Densaýlyqty nyǵaıtý, salaýatty ómir saltyn qalyptastyrý, belsendi demalý jaǵdaıynda balalardy ártúrli qyzmet túrlerimen tanystyrý maqsatynda tańerteńgilik jattyǵýlar, sporttyq oıyndar, estafetalar arqyly balalardyń sportqa qabiletterin damytý jumystary júrgizildi. Sonymen qatar demalys ýaqytynda balalardyń shyǵarmashylyq qabiletin damytý jumystary jalǵasty. Bul ár balaǵa óziniń súıikti isimen aınalysýǵa, óziniń talantyn kórsetýge, jańa daǵdylar men qabiletterdi ıgerýge múmkindik berdi.
Eń bastysy, sharalar aıasynda barlyq jastaǵy balalar qamtyldy. Qosymsha bilim berý muǵalimderi qolóner, kıim úlgilerin tigý jáne tigin, kollajdar men býkletter jasaý, sýretter salý jáne t.b. boıynsha Ortalyq oqýshylarymen jumys jasady. Jazda ótkizilgen barlyq is-sharalar áleýmettik jelilerde, Instagram men Feısbýkte erekshe nazar aýdardy.
Mysaly, bala, onyń múddeleri, densaýlyǵy men qaýipsizdigin qamtamasyz ete otyryp ártúrli bilim berý, shyǵarmashylyq, sporttyq, oıyn-saýyq baǵdarlamalary, otbasylyq merekeler, týǵan kúnder ótkizildi. Turaqty negizde aýmaqty abattandyrý boıynsha "Taza aýla", "Eńbek desanty" atty aksııalar ótti. Jazǵy demalysta balalar men jasóspirimderdiń densaýlyǵyn jaqsartý jáne bos ýaqytyn tıimdi uıymdastyrýdyń bul tásili olardy demalystyń barlyq túrlerimen qamtamasyz etýge múmkindik berdi.
