Ekologııalyq polısııa qyzmetkerleri, ýchaskelik ınspektorlar men patrýldik polısııa qyzmetkerleri jedel aldyn alý is-sharalaryn ótkizý kezinde sý qoımalaryna jaqyn adamdar kóp jınalatyn jerlerde reıdter uıymdastyrdy. Polısııa qyzmetkerleri belgilenbegen oryndarda abattandyrý, balyq aýlaý, ortaq sý paıdalaný erejelerin buzý, alkogoldik ishimdikter ishý, ortaq paıdalaný oryndaryn lastaý faktileriniń jolyn kesýde, sondaı-aq tabıǵat qorǵaý zańnamasyn basqa da buzýshylyqtardy anyqtaý boıynsha sharalar qabyldanýda.
Jedel aldyn alý is-sharasy bastalǵannan beri tártip saqshylary 200-ge jýyq ákimshilik quqyq buzýshylyqty anyqtady.
Halyqqa ákimshilik zańnama normalary túsindiriledi, sondaı-aq máslıhattyń 2017 jylǵy 20 shildedegi №166/21-VI sheshimimen bekitilgen "Qala aýmaǵyn abattandyrý erejelerin" saqtaý boıynsha profılaktıkalyq áńgimelesý ótkiziledi.
Jalpy sý paıdalaný erejelerin buzǵany úshin 35 jastaǵy elorda turǵyny QR ÁQBK 364-baby boıynsha ákimshilik jaýapkershilikke tartyldy. Er adam "GAZ" avtokóligimen belgilenbegen jerden, atap aıtqanda Nura-Esil ózeninen sý alýǵa jol bergen.
Sonymen qatar, Nájimedenov kóshesindegi qurylys obektisine irgeles aýmaqty ýaqytyly tazalamaǵany úshin qurylys kompanııasy QR ÁQBK 505 baby boıynsha ákimshilik jaýapkershilikke tartylyp, 40 AEK kóleminde aıyppul salyndy.
