Bısultan Amanǵalıev 1925 jyly 24 jeltoqsanda qazirgi Batys Qazaqstan oblysy Kaztalov aýdanynda dúnıege kelgen. Qalamger 1954 jyldan 1990 jylǵa deıin QazTAG aýdarma keńsesinde jumys istedi. QazTAG-qa deıin "Qazaqstan pıoneri" jáne "Sosıalıstik Qazaqstan" gazetterinde eńbek etken.
Eńbek jolyn aýdarmashy bolýdan bastaǵan Bısultan Amanǵalıev aýdarma bóliminiń redaktory, bas redaktordyń orynbasary, respýblıkalyq, búkilodaqtyq jáne sheteldik aqparat redaksııasyn basqardy. Bısultan Amanǵalıev QazTAG-tyń maıtalman mamany, elimizdegi bilikti aýdarmashy retinde arnaıy aldyrylyp, KSRO Joǵarǵy Keńesi sessııalarynda stenografııalyq ilespe aýdarma jasaý úshin birneshe ret Máskeýde de bolǵan. Ásirese, 1969 jyly Máskeýdegi Kremldiń Sezder saraıynda III-Búkilodaqtyq kolhozshylar sezinde tikeleı ilespe aýdarma jasaǵan.
Bısultan Amanǵalıev Ýkraına, Polsha, Chehoslovakııa, Vengrııany azat etýge qatysqan. Áskerdiń barlyq úsh salasynda qyzmet etti. Ol Qazaqstanǵa 1945 jyldyń qarashasynda ǵana oraldy.
Bısultan Amanǵalıev soǵys jáne beıbit ýaqyttaǵy "Qurmet" ordenimen, Halyqtar dostyǵy, Qyzyl Juldyz, Jeńis ordenderimen marapattalǵan.
