Oblys ortalyǵyndaǵy Týrgenev kóshesindegi úıdiń aldynan jas qyzdyń óli denesi tabylǵany týraly aqparat estigen jannyń jaǵasyn ustatty. Onyń máıiti basyna polıetılen paket kıgizilip, aq qapshyqqa oralyp, symmen baılanǵan tor kózdi sómkege salynǵan eken. Aldyn ala tekserý boıynsha, jas qyzdyń tunshyqtyrylyp óltirilgeni anyqtalypty.
Oblys ortalyǵyndaǵy Týrgenev kóshesindegi úıdiń aldynan jas qyzdyń óli denesi tabylǵany týraly aqparat estigen jannyń jaǵasyn ustatty. Onyń máıiti basyna polıetılen paket kıgizilip, aq qapshyqqa oralyp, symmen baılanǵan tor kózdi sómkege salynǵan eken. Aldyn ala tekserý boıynsha, jas qyzdyń tunshyqtyrylyp óltirilgeni anyqtalypty. Ata-analary kisi qolynan qaza tapqan qyzdarynyń máıitin birden tanyǵan. Bul týraly oblystyq prokýratýranyń apparat jetekshisi Rýslan Jasanov buqaralyq aqparat quraldary ókilderimen ótkizgen brıfıngte baıandady. Onyń aıtýynsha, kámeletke tolmaǵan G. ústimizdegi jylǵy 8 qazanda ata-anasynan qurbysynyń úıine qonýǵa suranyp ketedi. Alaıda, ol ertesine sabaqtan keıin úıine oralmaıdy. Onyń sabaqta bolmaǵany anyqtalady. Ata-anasy 9 qazanda 16.00 saǵatta qyzdarynyń habarsyz ketkeni týraly Zaýyt polısııa bólimshesine shaǵymdanǵan. Jedel izdestirý sharalarynyń nátıjesinde qylmystyń jasalýy boıynsha seziktiler retinde er jáne áıel adam ustalǵan. Osy derek boıynsha qylmystyq is qozǵalǵan. Aıyptalýshylardyń biriniń kórsetýi boıynsha jábirlenýshiniń kıimderi, uıaly telefony, oqý sómkesi qalanyń ártúrli bólikterine tastalǵany anyqtalǵan. Mekteptegi ustazdarynyń aıtýynsha, marqum oqýda ozat, tártipti oqýshy bolǵan eken. Ol óziniń jábirleýshilerimen áleýmettik jeli arqyly tanysqan. Rýslan Jasanov qozǵalǵan qylmystyq is boıynsha tergeý amaldary júrgizilip jatqanyn, tergeý aıaqtalǵanǵa deıin ózge aqparat jarııa etilmeıtinin jetkizdi.
Satybaldy SÁÝIRBAI,
«Egemen Qazaqstan».
Aqtóbe oblysy.
