Aımaqtar • 06 Tamyz, 2020

Almatyda turǵyndarǵa polıseıler medısınalyq betperde taratýda

14 ret kórsetildi

Bir kún ishinde 500 medısınalyq betperdemen 200 qolǵap taratyldy. Bul týraly IIM baspasóz qyzmetine silteme jasaı otyryp Egemen.kz habarlaıdy.

Tártip saqshylary zararsyzdandyrý quraldarymen azamattardyń birshama sanatyn qamtýdy josparlap otyr.

Bul joly polıseılerdiń patrýldeýi erekshe túrde júzege asyryldy. Tańerteńnen bastap Ile aýdanynyń tártip saqshylary qosymsha vırýsqa qarsy quraldaryn, medısınalyq betperdelerin, rezeńke qolǵaptaryn jáne antıseptıkalyq quraldaryn alyp, aýdan ortalyǵy О́tegen batyr kóshelerine shyqty. Inspektorlar júrgizýshiler men jolaı ótip bara jatqan adamdarǵa qosymsha betperdeler men qolǵaptardy tabys etti.

– Bizdiń maqsatymyz halyqty vırýstyq ınfeksııadan barynsha shamamyz kelgenshe qorǵaý boldy. Bul jumys barlyq jerde jáne merzimdi negizde júrgiziletin bolady. Búginde bizge úlken jaýapkershilik júkteledi. Polısııa qyzmetkerleri qoǵamdyq tártipti saqtaýda jáne qylmysqa qarsy kúreste basty ról atqarady, sonymen qatar koronavırýstyq ınfeksııanyń taralýyna jol bermeý isinde de alǵy shepten oryn alǵan. Biz azamattardy barlyq aldyn alý sharalary men karantındik tártipti qatań saqtaýǵa shaqyramyz, – dep atap ótti Ile aýdany polısııa bóliminiń bastyǵy Marat Kúshtibaev.

Sońǵy jańalyqtar

Minsiz – kim?

Rýhanııat • Keshe

Semeıdegi serpilis

Aımaqtar • Keshe

Uqsas jańalyqtar