Úsh táýlik boıy kúndiz-túni júrgizilgen «Iz kesý» jedel-izdestirý is-sharalary sheńberinde jambyldyq polıseıler 20 qylmyskerdi quryqtady.
Úsh táýlik boıy kúndiz-túni júrgizilgen «Iz kesý» jedel-izdestirý is-sharalary sheńberinde jambyldyq polıseıler 20 qylmyskerdi quryqtady.
Ustalǵandardyń jeteýi Reseı Federasııasy, Belarýs jáne О́zbekstan respýblıkalarynan qashyp kelgen sabazdar eken. Mysaly, Qordaı aýdandyq ishki ister bólimi Novosibir oblysy IIB urlyǵy úshin izdeý jarııalaǵan qylmyskerdi qolǵa túsirse, Talas aýdandyq ishki ister bólimi Belarýs Respýblıkasynyń Gomel oblystyq atqarý komıtetiniń Ishki ister basqarmasy alaıaqtyǵy úshin izdeý jarııalaǵan azamatty quryqtady. Al Taraz qalalyq ishki ister bólimi Sverdlov oblysy IIB urlyǵy úshin izdeý jarııalaǵan qylmyskerdi tutqyndap otyr.
Sondaı-aq, elimizdiń ekstremızmge qarsy kúres basqarmasy qyzmetkerleri men Qyrǵyzstan Respýblıkasy Bishkek qalasynyń IIB urlyǵy úshin izdeý salǵan adam da tuzaqqa tústi. Jambyl oblysy boıynsha aýyr qylmys jasaǵan S. degen kúdikti qamaqqa alynsa, Qyzylorda oblysy IID urlyǵy úshin izdeý salǵan qylmysker izin jasyra almady.
ShEKARA BASTYǴY PARAMEN USTALDY
Jambyl oblysynyń qarjy polısııasy departamenti shekara zastavasynyń bastyǵyna qatysty para alý deregi boıynsha qylmystyq is qozǵady.
Atap aıtsaq, Qordaı aýdanyndaǵy «Qarasý» shekara zastavasynyń bastyǵy S. jeke bas paıdasy maqsatynda el aýmaǵynan Qyrǵyz Respýblıkasyna halyq tutynatyn taýarlardy kedergisiz ótkizý úshin para alǵan. Jemqor bastyqtyń qarjy polısııasynyń qolyna túsýine jeke kásipkerdiń de kómegi bolǵan. Ol Qordaı aýdanyndaǵy «Qarasý» shekara zastavasynyń bastyǵynyń ózinen para talap etkeni týraly tıisti oryndarǵa aryz túsirgen. Qazir S.-nyń 2 myń AQSh dollar kóleminde para alǵany anyqtalyp, atalǵan qylmystyq is boıynsha tergeý amaldary júrgizilýde.
Kósemáli SÁTTIBAIULY,
«Egemen Qazaqstan».
Jambyl oblysy.
