Oblys ortalyǵynan 500 shaqyrym shalǵaıda jatqan Úrjar aýdanynda bıyl 8 mekteptiń qurylysy salynýda. Onyń biri Janaı aýylyndaǵy 120 oryndyq jańa mektep ashylyp, aýdan ákimi Serik Zaınýldın, aýyl ardagerleri ustazdar men shákirtterdi quttyqtap, syı-sııapatyn jasady, olarǵa tabys tiledi. Aýdan ákimi Serik Zınabekuly bıyl taǵy jyl aıaǵyna deıin úsh mekteptiń, al qalǵany kelesi jyly paıdalanýǵa beriletinin tilge tıek etti.
Oblys ortalyǵynan 500 shaqyrym shalǵaıda jatqan Úrjar aýdanynda bıyl 8 mekteptiń qurylysy salynýda. Onyń biri Janaı aýylyndaǵy 120 oryndyq jańa mektep ashylyp, aýdan ákimi Serik Zaınýldın, aýyl ardagerleri ustazdar men shákirtterdi quttyqtap, syı-sııapatyn jasady, olarǵa tabys tiledi. Aýdan ákimi Serik Zınabekuly bıyl taǵy jyl aıaǵyna deıin úsh mekteptiń, al qalǵany kelesi jyly paıdalanýǵa beriletinin tilge tıek etti.
Jaqynda Janaıdaǵy jańa mektepte bolýdyń sáti tústi. Eki qabatty mektep ishi kirse shyqqysyz, oqýshylar otyratyn partalar yńǵaıly, jarqyrap tur. Ekinshi qabatta bıologııa pániniń ustazdary túrli gúlder ósirip, ashyq alańdy túrlendirip qoıypty. Aýdan ákiminiń orynbasary Qapsadyq Baısınov mektep qurylysyn merziminde salyp bergen «Terme-Ost» seriktestiginiń basshysy Kúlásh Aqashqyzynyń qurylysshylaryna alǵysyn aıtty.
Kúlásh Aqashqyzynyń esimi óńir jurtshylyǵyna jaqsy tanys. Sonaý 90-jyldary kásipkerlikke bet buryp, «Terme» fırmasyn ashyp, sol kezdegi tańsyq qazaqtyń ulttyq kıimderi –shapan, kamzol, basqa da zattardy sapaly tigip, óńirge taratqan. Endi qurylys salýǵa bet burypty. Bárekeldi!
Mektep dırektory, 30 jyldyq eńbek ótili bar Sáýle Nurqasymovamen birge mektep synyptaryn aralap júrmiz. Jańanyń aty jańa, barlyq jerde tazalyq pen uqyptylyq kózge uryp tur.
– Oblys ákimi B.Saparbaevtyń tapsyrmasy boıynsha ár oqýshyǵa kún saıyn tańerteń bir staqan ystyq sút pen 20 gramm bal beriledi.Aǵzaǵa erekshe qýat beretin bal men sút ishken oqýshylar sharshamaı ózderin sergek sezinedi. Serik Begimbaev, Vladımır Moskalenko, Baqytgúl Arǵanatova bilimi men biliktiligin qatar alyp júrgen tájirıbeli ustazdar, –dep Sáýle biraz jaıdan habardar etti.
«Tigin sehy», «aǵash óńdeý» «temir óńdeý» degen jazýy bar synypqa endik. Bul jerde oqýshylardy eńbekke baýlý páni júrgiziledi eken. Baqytgúl Arǵanatova osy pánderden shákirtterge dáris oqıdy. 9 tigin máshınesi, temir joný stanoktary jap-jańa. –Balalardy eńbekke baýlýdyń máni zor, –deıdi Baqytgúl qaryndasymyz. –Qazir ata-analar balalaryn eńbekke baýlýǵa kóńil bóle bermeıdi. Olardyń tigin jáne aǵash, temirden túıin túıýge degen yntalary qýantady. Kúni erteń úlken ómirge joldama alǵan kezde oqýǵa túse almaıtyndardyń jumysty ońaı taýyp alýǵa múmkindikteri bar.
Janaı aýylynyń ákimi Dáýlethan Ybyraev osydan eki aı buryn aýyl ákimderiniń saılaýynda úsh adammen daýysqa túsip, jeńimpaz atanyp, qyzmetine kirisip ketipti. Buryn Eltaı aýyldyq okrýginde bas maman bolǵan azamat atqaryp jatqan jumystaryn aıtyp berdi. Okrýgte eki mektep, «Shvab shujyǵy» seriktestigi, onnan astam sharýa qojalyqtary bar eken. Bıyl eginnen mol astyq alǵan dıqandardyń kóńili kóterińki, mektepke qaıyrymdylyq sharalaryn jasap turamyz, deıdi aýyl ákimi Dáýlethan inimiz.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Úrjar aýdany.
