GÝMANITARLYQ SALA

MÁSELELERI ALDYŃǴY SAPTA Jýyrda Ýkraınanyń Odessa qala­synda TMD elderi Parlamentaralyq Assambleıasynyń Mádenıet, aqparat, tý­rızm jáne sport jónindegi turaq­ty komıssııasynyń otyrysy boldy. Onyń jumysyna Qazaqstannan Má­ji­lis depýtaty Qylyshbaı BISENOV qatysyp, sóz sóıledi. О́ziniń bıylǵy Joldaýynda Prezıdent N.Nazar­baev gýmanıtarlyq salanyń damýyna aıryqsha nazar aýdardy. Elbasy Joldaýynda: “Adam – eldiń basty baılyǵy” jáne “eldi jańǵyrtý strategııasynyń tabys­ty júrgizilýi, eń aldymen, qazaqstandyqtardyń bili­mine jáne ózin-ózi áleýmettik, tabıǵı turǵyda jaqsy sezinýine baılanysty”, degen edi. Búgingi kúni gýmanıtarlyq salanyń bilim berý, ǵylym, mádenıet, densaýlyq saqtaý, sport, BAQ sııaq­ty tarmaqtaryn jeke-jeke taldap, olardyń damýyna saraptama jasaý qajet bolyp otyr. Sonyń ishinde bilim berý tarmaǵy boıynsha Elbasy Nursultan Na­zarbaevtyń tapsyrmasymen “Balapan” baǵdarlamasyn iske asyrý qolǵa alyndy. Bul – búldirshinderdi mek­tep­ke deıingi merzimde oqytý men tárbıeleýge arnalǵan baǵdarlama. Qazir eldegi balabaqshalar sany 230-ǵa deıin arttyryldy jáne 979 mınıortalyqtar ashyldy. Orta bilim berý boıynsha 12 jyldyq oqytý úlgisine kóshý boıynsha josparly jumystar júrgi­zilýde. Daryndy balalardyń qabiletin odan ári damyta túsý isine qatty nazar aýdarylýda. Osy baǵytta “Tuńǵysh Prezıdenttiń ıntellektýaldyq mektepteri” ashyldy, “100 mektep, 100 aýrýhana” baǵdarlamasy iske asyrylýda. Tehnıkalyq jáne kásiptik bilim berý jumystary Elbasy Nursultan Nazarbaevtyń: “Olar ekonomıkanyń qajettiligine saı standarttarǵa sáıkes bolýy kerek” degen tapsyrmasyn basshylyqqa alyp, iske asyrylýda. Elbasy joǵary bilim berý salasyna da qatań talaptar qoıdy. Ol týraly Prezıdent: “Joǵary bilimniń sapasy eń joǵary álemdik standarttardyń talabyna saı bolýy kerek. Joo-lardan álemdik aldyńǵy qatarly ýnıversıtetterdiń reıtıngteriniń qataryna jetýge tyrysý talap etiledi”, degen edi. Osyǵan baılanysty qazaqstandyq joo-lar Bolon prosesine ený jumystaryn belsendi júrgize bastady. 30 joo ýnıversıtetterdiń Uly hartııasyna qol qoıdy, 37-sinde qos dıplomdy bilim berý qolǵa alyndy. Halyqtyń densaýlyǵyn jaqsartý barlyq tabystyń qaınar kózi ekeni belgili. Sondyqtan, salamatty ómir saltyn nasıhattaý maqsatymen 2009 jyly ǵana 15 myńnan artyq sporttyq sharalar ótkizilip, oǵan 2,5 mln. adam tartyldy. Al tıimdiligi joǵary jáne báse­kelestikke tótep bere alatyn týrıstik ındýstrııany damytý úshin Qapshaǵaı sý qoımasynda “Jańa Ile”, Shýche-Býrabaı aımaǵynda “Býrabaı”, Mańǵystaý oblysynda “Kendirli” halyqaralyq týrıstik ortalyq­tary salynýda.  Bizdiń eldiń ókilderi halyqaralyq týrıstik sharalarǵa qatysyp otyrady, eldiń ishinde de birqatar sharalar ótkizildi. Aqparattyq kommýnıkasııany damytý boıynsha da aıtarlyqtaı tabysqa qol jetkizdik. Osy salany damy-ta túsý maqsatymen qalalyq mýltıservıstik júıe jáne burynǵy volokondy-optıkalyq ınfraqurylym­nyń negizinde kólik júıesi salynýda. “Qazaqtelekom” AQ “Telekommýnıkasııalar júıesin Next Generation Network tehnologııasyna aýystyrý” jobasyn iske asyrýda. 2009 jyldyń sáýir aıynda Prezıdent Nursultan Nazarbaevtyń tapsyrmasy boıynsha “Karnegı Mellon” ýnıversıtetimen lısenzııalyq kelisimi bar Halyqaralyq aqparattyq tehnologııalar ýnıversıteti quryldy. Mundaǵy oqý prosesi halyqaralyq standarttarǵa sáıkes júrgizilip, onda aqparattyq kommýnıkasııanyń joǵary bilikti mamandary daıyndalatyn bolady. Bizdiń elimizde halyqtyń BAQ arqyly alatyn aqparatynyń deńgeıi jetkilikti dárejede joǵary. Aqparattyq habarlar 182 taqyryptyq baǵyt boıynsha 92 medıa-josparda beriledi. Sonymen birge, uzaq­merzimdik aqparttyq kompanııalar qurylýda. Memle­kettik tapsyrys alatyn respýblıkalyq buqaralyq aqparat quraldarynda taqyryptyq aıdarlar men habarlar uıymdastyrylǵan. Bul jumysqa eldegi 77 jetekshi basylym, 6 elektrondy BAQ, sonyń ishinde “Qazaqparat” aqparattyq agenttigi, “Habar” agenttigi, “Qazaqstan” RTRK, “31 kanal” TA, “Rahat TV” TA, “Qazaq radıosy” tartylǵan. “Habar” telearnasyndaǵy “El aǵalary”, “Lınııa sýdby”, “Qazaq radıosyndaǵy” “Otyrar kitaphanasy”, “Atameken aspany” baǵdarlamalary atap ótýge turarlyq. Gýmanıtarlyq saladaǵy problemalardy sheshý – ol árbir adam men qoǵam músheleriniń báriniń problemasyn sheshý degen sóz. Bizdiń memleket osyny eshqashan umytpaıdy.