7 tamyzda QR Prezıdenti – QR QK Bas qolbasyshysynyń tapsyrmasyn oryndaý maqsatynda QR Qarýly Kúshteriniń jeke quramynyń arasynan quralǵan 29 medısına mamany men 4 aýdarmashy bar top Nur-Sultan – Aqtaý baǵyty boıynsha ushty. 8 tamyz kúni tańerteń Beırýt portynda jarylys nátıjesinde zardap shekkenderge medısınalyq kómek kórsetý úshin QR QK Áýe qorǵanys kúshteri áskerı-transporttyq avıasııa ushaǵy Aqtaý – Beırýt baǵyty boıynsha ushty.
4 tamyzda Lıvan Áskerı-teńiz kúshteriniń bazasyna jaqyn ornalasqan Beırýt portynyń mańynda qýatty jarylys bolyp, 150-tan kem emes adam qaza bolǵany belgili. Bes myńǵa jýyq adam jaraqat aldy, alaıda aýrýhanalar toly bolǵandyqtan zardap shekkender stasıonar jaǵdaıynda em qabyldaı almaıdy.
Qazaqstan Respýblıkasyndaǵy COVID-19-ben baılanysty jaǵdaıdy eskere otyryp, top quramyna ınfeksıonıst jáne terapevt dárigerler qosylmady. Top quramyna joǵary bilikti hırýrgtar, travmatologtar, neırohırýrgter, anestezıolog-reanımatologtar, sondaı-aq hırýrgııalyq beıindegi orta medısınalyq personaldar bar. Olardyń kópshiligi aǵylshyn tilin jetik meńgergen.
Áskerı medısına qyzmetkerleriniń maqsaty zardap shekkenderge bilikti medısına kómek kórsetý bolyp tabylady.
