"Qaýipsiz jol" jedel-aldyn alý is-sharasyn ótkizý barysynda Ertis aýdanynyń krımınaldyq polısııa qyzmetkerleri sharýa jáne fermer qojalyqtary tekserildi.
– Sharýashylyqtardyń birinde er adam polıseılerdiń nazaryn aýdardy, – dedi Ertis aýdandyq polısııa bólimi bastyǵynyń mindetin atqarýshy Serik Úsenov.
– Surastyrý barysynda 37 jastaǵy er adam Reseı Federasııasynan shyqqany anyqtaldy. Ony derekter bazasy boıynsha tekserý kezinde bul er adamdy Máskeý qalasy boıynsha IIM MM ońtústik-batys ákimshilik okrýgi boıynsha ishki ister basqarmasynyń jedel ýákilderi izdeýge salǵany anyqtaldy. Er adam 2019 jyldyń qyrkúıek aıynda jaıaý júrginshini qaǵyp ketip, jol – kólik oqıǵasy saldarynan dene jaraqatyn alǵan. Máskeý qalasynyń polıseıleri osy fakti boıynsha Reseı Federasııasynyń Qylmystyq kodeksiniń 264-baby 1-bóligi boıynsha – jol qozǵalysy jáne kólik quraldaryn paıdalaný erejelerin buzý qylmystyq is qozǵady. Biz izdestirýdiń bastamashysyna izdestirilýshiniń ornalasqan jerin anyqtaý týraly habarladyq, – dep aıtyp ótti Úsenov.
Atap aıtqanda, jyl basynan bastap Pavlodar polıseılerimen qylmys jasaǵany úshin izdestirilip jatqan 69 adamdy anyqtap ustaldy.
