23 Qazan, 2013

Kózboıaýshylyq

265 ret kórsetildi

Jumys ornyn asyra kórsetý jergilikti atqarýshy organdarda beleń alyp otyr

Memleket basshysy Nursultan Nazarbaev Úki­mettiń keńeıtilgen otyrysynda atap kórsetkendeı, ákimder qyzmetiniń basty kórsetkishteriniń biri – halyqqa tolyqqandy jumys oryndaryn ashyp, onda eńbek etýge qolaıly jaǵdaı jasaý. Mundaı ındıkatordyń belgilenýi, ásirese, qazirgi kúni óte mańyzdy. Turǵyndardy jumyspen qamtý úshin jergilikti atqarýshy organdardyń jaýapkershiligi týraly Elbasy tarapynan buǵan deıin de aıtylǵan bolatyn.

bezrab

 Jumys ornyn asyra kórsetý jergilikti atqarýshy organdarda beleń alyp otyr

Memleket basshysy Nursultan Nazarbaev Úki­mettiń keńeıtilgen otyrysynda atap kórsetkendeı, ákimder qyzmetiniń basty kórsetkishteriniń biri – halyqqa tolyqqandy jumys oryndaryn ashyp, onda eńbek etýge qolaıly jaǵdaı jasaý. Mundaı ındıkatordyń belgilenýi, ásirese, qazirgi kúni óte mańyzdy. Turǵyndardy jumyspen qamtý úshin jergilikti atqarýshy organdardyń jaýapkershiligi týraly Elbasy tarapynan buǵan deıin de aıtylǵan bolatyn.

bezrab

Áıtse de sońǵy kezde jergilikti atqarýshy organdar men ártúrli deńgeıdegi ákimder tarapynan ashylǵan jumys oryndaryn asyra kórsetýge umtylý kórinisi oryn alyp júrgeni de jasyryn emes. Mundaǵy aıtylatyn joǵary astronomııalyq sandar keı jaǵdaılarda naqty shyndyqpen sáıkese bermeıtini de ómirlik-qoǵamdyq tájirıbede baıqalyp qalady. Ásirese, jyl basynda ótkizilip júrgen aýdan ákimderiniń turǵyndarǵa bergen esebi kezinde olardyń aldyn ala jáne kezdesýden soń aýdandyq gazetterge jarııalaıtyn baıandamasynyń mátinderine kóz salsaq, olar jumyssyzdyqty bir demde oıyp tastaǵandaı kúı keshesiz.

«Egemen Qazaqstan» gazetiniń redaksııasyna joldaǵan shaǵym hatynda Tasqala aýdanynyń turǵyny, ishki ister qyzmetiniń ardageri, otstavkadaǵy polısııa podpolkovnıgi Bısenbaı О́tegenov osyndaı máselege qatysty óz oı-pikirin jazyp jibergen eken. Buǵan qosa ol kisi ózi shyndyqqa sáıkespeıdi dep esepteıtin derekter jarııalanǵan Tasqala aýdandyq «Ekpin» gazetiniń 2013 jylǵy 11 qańtardaǵy nómirin qosa joldapty. Atap aıtqanda, Tasqala aýdanynyń ákimi Qýat Mýsınniń «Atqarylǵan is az emes, aldaǵy jumys odan da kóp» degen taqyryppen berilgen 2012 jylǵy jumystar jónindegi baıandamasynda bylaı dep kórsetilipti:

«Jumysqa ornalastyrý 395 adamǵa josparlansa, nátıjesinde 619 adam jumysqa ornalas­tyrylyp, baǵdarlama 156 paıyzǵa oryndaldy. Olardyń 145-i nysanaly toptan. Jospardaǵy 395 adamnyń ornyna 891 adam aqyly qoǵamdyq jumysqa tartylyp, baǵdarlama 225 paıyzǵa oryndaldy. Sonyń 267-i nysanaly toptan. Bul kórsetkish ótken jyldyń sáıkes kezeńinen 502 adamǵa artyq».

Oqyrmandarǵa túsinikti bolý úshin bul arada nysanaly top degen tirkeske túsinikteme bere ketkenimiz jón sekildi. Munyń mánin ashyp berýdi Batys Qazaqstan oblysynyń jumyspen qamtýdy úılestirý jáne áleýmettik baǵdarlamalar basqarmasy bastyǵynyń orynbasary Samat Hangereevten suradyq. Onyń aıtýynsha, nysanaly toptyń qataryna jumysqa ornalasý múmkindigi tómen, shekteýli jandar, múgedekter, birqatar zeınet jasyna jaqyndaǵan azamattar, turmysy tómen otbasy músheleri, sonymen birge jastardyń keıbir toptary kiredi eken.

– Aýdan ákiminiń aýzymen aıtylǵan joǵary­daǵydaı derekter aýdandyq gazette jarııalansa ári esep berý kezinde aıtylsa, buǵan kúmán keltirýdiń qandaı qısyny bar? Shyndyǵy, aqıqaty emes pe, – dedik. Sodan biz gazetke shaǵym hat joldaǵan Tasqala aýdanynyń turǵyny Bısenbaı О́tegenovke jolyǵyp, birqatar suraq qoıdyq.

– Árıne, bul úshin aýdan ákimi Qýat Mýsın óziniń jeke ar-ojdanynyń aldynda jaýap bere jatar. Al men turǵyndardy jumyspen jyl ishinde qamtý jónindegi derekter shyndyqqa sáıkes kelmeıdi dep esepteımin,– dedi ol.

– Nege?

– Negesi sol, Tasqala oblystaǵy Bórli, Zelenov, Aqjaıyq sekildi iri aýdandardyń qataryna kirmeıdi. Bul – oblystyń batys bóliginde ornalasqan shaǵyn aýdan. Turǵyndar sany jıyrma myńǵa da jetpeıdi. Sonda 619 adam bir sátte turaqty jumysqa qalaı ornalasa qalady? Olar naqty qandaı óndiris oryndaryna ornalasty. Máseleniń bul jaǵy nege taıǵa tańba basqandaı saralanyp, taldanyp aıtylmaıdy. Nege búrkemelene beredi? Eger aýdanda birinen soń biri boı kóterip jatqan, nemese dúrildep istep turǵan óndiris nysandary bolsa, múmkin bul san qısynǵa keler edi. Olaı emes ekeni Allaǵa da, ámbege de aıan. Tipti, bir jyl ishinde tabany kúrekteı 619 jańa jumys ornyn ashý Oral, kenshiler qalasy – Aqsaı sekildi shaharlarda da ońaıǵa túse qoımaıdy. Eger aýdan ortalyǵynda kafe, meıramhana ashylsa oǵan jumysqa kiriskenderdiń sany 2-3 adamnan aspaıdy, deıdi shaǵym hat ıesi.

Sondaı-aq, ol jumyssyzdyqty aýyzdyqtaý úshin memleket tarapynan bólingen qarajattar men granttardyń jaı-kúıi jóninde jarııalylyq jetispeı jatqanyn da tilge tıek etti. Ári buǵan quqyq qorǵaý organdary tarapynan tıisti tekserýler júrgizilýi qajet dep sanaıdy. Rasynda bul, oılanarlyq jaıt ekeni sózsiz.

Túpteı kelgende, Tasqala aýdanynyń turǵyny Bısenbaı О́tegenov kóterip otyrǵan másele, onyń alańdaýshylyq sezimin týǵyzǵan jaıt oryndy dep bilemiz. Qalaı desek te búgingi kúni jergilikti atqarýshy organdar tarapynan turaqty jáne ýaqytsha jumysqa ornalasqan turǵyndardyń sanyn asyra kórsetýge umtylý kórinisi kezdesip otyrǵanyn joqqa shyǵarýǵa bolmaıdy. Munyń eshkimge abyroı ápermeıtini anyq.

Temir QUSAIYN,

«Egemen Qazaqstan».

Batys Qazaqstan oblysy,

Tasqala aýdany.

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar