Kezinde Dúnıejúzilik boks serııasynda (WSB) jasyndaı jarqyraǵan Meıirim Nursultanov kásipqoı rıngte de ózin jaqsy qyrynan kórsetýde. Orta salmaqta judyryqtasatyn 27 jastaǵy Semeı óńiriniń týmasy tórt jylǵa jýyq ýaqyt aralyǵynda 13 kezdesý ótkizip, barlyǵynda jeńiske jetti. Segiz qarsylasyn esinen tandyrdy. Qazir ol segizinshi oryndy ıelenýde.
Ekinshi orta salmaqtaǵy Aıdos Erbosynuly birden tórt satyǵa joǵarylap, bul kúnderi toǵyzynshy orynǵa turaqtady. 28 jastaǵy qandasymyz 14 básekeniń barlyǵynda basymdyq tanytyp, toǵyz jekpe-jekti merziminen buryn aıaqtady. Sońǵy ret ol 26 shildede Mınskide germanııalyq Nýhý Lavaldi eki ret nokdaýnǵa jiberip, nátıjesinde upaı sanymen bolatyn.
IBF reıtınginde "TOP-10" boksshynyń sanatyna qosylýǵa Jánibek Álimhanuly jaqyn tur. Ázirge ol 11 oryndy ıelenýde. Orta salmaqta kúsh synasyp júrgen 27 jastaǵy Jetisý óńiriniń túlegi kásipqoılar arasynda segiz jekpe-jek ótkizip, barlyǵyn óz paıdasyna sheshti. Qazaq jigiti sol básekelerdiń teń jartysyn nokaýtpen aıaqtady.
