Arman Jetpisbaı 1971 jyly Jambyl oblysy Jambyl aýdany Kýıbyshev selosynda dýnıege kelgen. Bilimi joǵary.
1993 jyly - Qazaq hımııa-tehnologııa ınstıtýtyn ınjener-qurylysshy mamandyǵy boıynsha, 2002 jyly - T.Rysqulov atyndaǵy Qazaq ekonomıkalyq ýnıversıtetin ekonomıst mamandyǵy boıynsha bitirgen.
Enbek jolyn 1992 jyly kommersııalyq qurylymdarda bastaǵan.
1998-1999 jyldary - "Alaýtransgaz", "Shymkentgaz" jaýapkershiligi shekteýli seriktestikterinde dırektor bolyp jumys atqarǵan.
1999-2003 jyldary - "Qazkommersbank" aksıonerlik qoǵamy Shymkent fılıaly dırektorynyń orynbasary, "Qazkommersbank" aksıonerlik qoǵamynyń Qyzylorda fılıalynyń dırektory, "Qazkommersbank Qyrǵyzstan" aksıonerlik qoǵamy basqarma tóraǵasynyń birinshi orynbasary laýazymdaryn atqarǵan.
2003-2018 jyldary aralyǵynda "ARNA Korporasııasy" aksıonerlik qoǵamynyń basqarma tóraǵasy, "Ońtústik" arnaıy ekonomıkalyq aımaǵynyń dıreksııasy memlekettik mekemesiniń dırektory, Ońtústik Qazaqstan oblysy ákiminiń orynbasary, Shymkent qalasynyń ákimi, "ARNA Petroleum" jaýapkershiligi shekteýli seriktestiginiń baıqaý keńesiniń tóraǵasy, "Qazatomónerkásip" aksıonerlik qoǵamynyń basqarýshy dırektory, , "Samruk-Kazyna Construction" aksıonerlik qoǵamynyń basqarma tóraǵasy bolyp jumys atqarǵan.
2018 jyldan búginge deıin "Samruk-Kazyna Construction" aksıonerlik qoǵamynyń bas dırektory - basqarma tóraǵasynyń birinshi orynbasary, "Obektilerdiń qurylysyn júrgizetin kompanııa" korporatıvtik qorynyń bas dırektory laýazymdaryn atqaryp keldi.
