"10 tamyz – Abaı kúnine oraılastyrylyp uıymdastyrylǵan sharada ónerpazdar uly aqyn hám oıshyldyń kópshilikke tanymal, shoqtyǵy bıik mýzykalyq shyǵarmalaryn oryndady. Olardyń qatarynda Abaıdyń "Kózimniń qarasy...", "Aıttym sálem, Qalamqas" syndy ánderi men "Jeldirme", "Torjorǵa" sııaqty kúıleri bar", – dep atap ótti oqý ornynyń baspasóz qyzmetiniń jetekshisi Jandar Asan.
Onlaın konsertte oryndalǵan týyndylar Qyzdar ýnıversıtetiniń áleýmettik jelidegi resmı paraqshalary arqyly kópshilik nazaryna usynyldy.
Aıta keteıik, "Ular" etno-fıýjn ansambli 1987 jyly qurylǵan. 30 jyldan astam ýaqyt boıy qazaq mýzykalyq shyǵarmashylyq ónerin jańǵyrtýǵa úles qosyp kele jatqan bul óner ujymy sondaı-aq ulttyń umyt bola bastaǵan kóptegen mýzykalyq aspaptaryn qaıta jandandyrdy.
О́nersúıer qaýymnyń ystyq yqylasyna ıe bolǵan ansambl Qytaı, Mońǵolııa, Túrkııa, Reseı, О́zbekstan jáne taǵy da basqa alys-jaqyn shet elderde gastroldik saparlar jasap, qazaq ónerin nasıhattaýǵa zor septigin tıgizdi.
