2013 jylǵy 6 tamyz Astana, Úkimet Úıi
Halyqqa qyzmet kórsetý ortalyqtary arqyly kórsetilýge jatatyn memlekettik qyzmetterdi irikteý qaǵıdalaryn bekitý jáne Qazaqstan Respýblıkasy Úkimetiniń keıbir sheshimderiniń kúshi joıyldy dep taný týraly
2013 jylǵy 6 tamyz Astana, Úkimet Úıi
Halyqqa qyzmet kórsetý ortalyqtary arqyly kórsetilýge jatatyn memlekettik qyzmetterdi irikteý qaǵıdalaryn bekitý jáne Qazaqstan Respýblıkasy Úkimetiniń keıbir sheshimderiniń kúshi joıyldy dep taný týraly
«Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 6-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Halyqqa qyzmet kórsetý ortalyqtary arqyly kórsetilýge jatatyn memlekettik qyzmetterdi irikteý qaǵıdalary bekitilsin.
2. Mynalardyń:
1) «Áleýmettik mańyzy bar qyzmetterdiń ólshemderin bekitý týraly» Qazaqstan Respýblıkasy Úkimetiniń 2011 jylǵy 14 qarashadaǵy № 1334 qaýlysynyń (Qazaqstan Respýblıkasynyń PÚAJ-y, 2012 j., № 2, 41-qujat);
2) «Halyqqa qyzmet kórsetý ortalyqtary arqyly kórsetilýge jatatyn memlekettik qyzmetterdi irikteý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 8 jeltoqsandaǵy № 1503 qaýlysynyń (Qazaqstan Respýblıkasynyń PÚAJ-y, 2012 j., № 7, 140-qujat) kúshi joıyldy dep tanylsyn.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń 2013 jylǵy 6 tamyzdaǵy № 799 qaýlysymen bekitilgen
Halyqqa qyzmet kórsetý ortalyqtary arqyly kórsetilýge jatatyn memlekettik qyzmetterdi irikteý qaǵıdalary
1. Jalpy erejeler
1. Osy Halyqqa qyzmet kórsetý ortalyqtary arqyly kórsetilýge jatatyn memlekettik qyzmetterdi irikteý qaǵıdalary (budan ári – Qaǵıdalar) «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 6-babynyń 6) tarmaqshasyna sáıkes ázirlendi jáne halyqqa qyzmet kórsetý ortalyqtary (budan ári – HQO) arqyly kórsetý úshin memlekettik qyzmetterdi irikteý tártibin aıqyndaıdy.
2. HQO arqyly kórsetiletin memlekettik qyzmetterdiń sanyn ulǵaıtý memlekettik kórsetiletin qyzmetterdiń sapasyn jáne oǵan qoljetimdilikti arttyrý maqsatynda júzege asyrylady.
3. Osy Qaǵıdalarda mynadaı termınder men anyqtamalar qoldanylady:
1) aqparattandyrý salasyndaǵy ýákiletti organ – aqparattandyrý jáne «elektrondyq úkimet» salasyndaǵy basshylyqty júzege asyratyn ortalyq memlekettik organ;
2) memlekettik qyzmetter kórsetý salasyndaǵy ýákiletti organ – memlekettik qyzmetter kórsetý salasyndaǵy basshylyqty jáne salaaralyq úılestirýdi júzege asyratyn ortalyq memlekettik organ;
3) vedomstvoaralyq komıssııa – aqparattandyrý salasyndaǵy ýákiletti organ janyndaǵy HQO arqyly kórsetilýge jatatyn memlekettik qyzmetterdi irikteý jónindegi vedomstvoaralyq komıssııa, onyń erejesi men quramy memlekettik organdar men qoǵamdyq uıymdar usynǵan usynystar men kandıdatýralardyń negizinde aqparattandyrý salasyndaǵy ýákiletti organnyń buıryǵymen bekitiledi;
4) memlekettik kórsetiletin qyzmetterdiń tizilimi – memlekettik kórsetiletin qyzmetterdiń synyptalǵan tizbesi.
2. Memlekettik kórsetiletin qyzmetterdi irikteý tártibi
4. HQO arqyly kórsetilýge jatatyn memlekettik qyzmetterdi irikteý mynadaı bir jáne (nemese) birneshe ólshemderdiń negizinde júzege asyrylady:
1) aqparattyq sıpattaǵy qyzmetter (anyqtamalar jáne ózge de aqparattyq qujattar berý);
2) qujattyń telnusqasyn berýmen baılanysty qyzmetter;
3) lısenzııalardy jáne ózge de ruqsat etý qujattaryn berýmen baılanysty qyzmetter.
5. Ortalyq memlekettik jáne jergilikti atqarýshy organdar jeke kásipkerlik sýbektileriniń múddelerin bildiretin qoǵamdyq birlestikterdiń usynystaryn eskere otyryp, jyl saıyn 1 aqpannan keshiktirmeı aqparattandyrý salasyndaǵy ýákiletti organǵa osy Qaǵıdalardyń 4-tarmaǵynda kórsetilgen ólshemder boıynsha HQO arqyly kórsetiletin memlekettik qyzmetterdiń sanyn arttyrý jóninde usynystar beredi.
6. Aqparattandyrý salasyndaǵy ýákiletti organ jyl saıyn 20 aqpannan keshiktirmeı memlekettik kórsetiletin qyzmetterdi taldaý negizinde, onyń ishinde jeke tulǵalar men kommersııalyq emes uıymdar júzege asyratyn memlekettik qyzmet kórsetý sapasynyń qoǵamdyq monıtorınginiń nátıjelerin, sondaı-aq memlekettik qyzmet kórsetý sapasyn baǵalaýdy tikeleı eskere otyryp, vedomstvoaralyq komıssııada qaraý úshin osy Qaǵıdalardyń 4-tarmaǵynda kórsetilgen ólshemder boıynsha HQO arqyly kórsetilýge jatatyn memlekettik qyzmetterdiń tizbesin (budan ári – tizbe) qalyptastyrady.
7. Aqparattandyrý salasyndaǵy ýákiletti organ jyl saıyn 20 naýryzdan keshiktirmeı tizbeni vedomstvoaralyq komıssııanyń qaraýyna engizedi.
8. Vedomstvoaralyq komıssııa tizbeni qaraý qorytyndysy boıynsha memlekettik qyzmetti HQO arqyly kórsetýdiń oryndylyǵy týraly oń nemese teris qorytyndy shyǵarady.
9. Aqparattandyrý salasyndaǵy ýákiletti organ vedomstvoaralyq komıssııa oń qorytyndy shyǵarǵannan keıin 10 mamyrdan keshiktirmeı joǵaryda atalǵan tizbeni memlekettik qyzmetter kórsetý salasyndaǵy ýákiletti organǵa (budan ári – ýákiletti organ) jiberedi.
Ýákiletti organ jyl saıyn 1 shildeden keshiktirmeı aqparattandyrý salasyndaǵy ýákiletti organ usynǵan tizbe negizinde memlekettik kórsetiletin qyzmetterdiń tizilimine tıisti ózgerister men tolyqtyrýlar engizýdi kózdeıtin Qazaqstan Respýblıkasynyń Úkimeti qaýlysynyń jobasyn ázirleıdi jáne zańnamada belgilengen tártippen Qazaqstan Respýblıkasynyń Úkimetine engizedi.
10. Aqparattandyrý salasyndaǵy ýákiletti organ jáne múddeli memlekettik organdar memlekettik kórsetiletin qyzmetterdiń tizilimine ózgerister men tolyqtyrýlar engizilgennen keıin alty aı merzimde keıinnen memlekettik kórsetiletin qyzmetterdiń standarttaryna jáne ózge de normatıvtik quqyqtyq aktilerge ózgerister engize otyryp, HQO-da memlekettik qyzmetter kórsetýdi uıymdastyrý jóninde sharalar qabyldaıdy.
