Aımaqtar • 11 Tamyz, 2020

Tilsiz jaýdyń taqsireti

10 ret kórsetildi

Kókshetaý men Qaraótkeldiń jalpaq dalasynda bıylǵy jaz sál ǵana ásirelep aıtqanda, qara qarǵanyń mıy qaınaıtyndaı ystyq bolyp tur. Aptap ystyqta apat ta az emes. Máselen, oblysta jyl basynan beri 48 myń gektardan astam alqapta orman órti oryn aldy. Qýrap qalǵan qaý shóptiń tutanýynan 51 dala órti oqıǵasy tirkeldi.

Tabıǵattyń taqsireti – adamnan. Sál sarǵysh tartyp, shóp býyny bekigen, ylǵal azaıǵan osy bir sát óte qaýipti. Beıqam­dyqtyń beınetin beıkúná tabıǵat ta kóterip tur. Orman órtiniń basym bóligi tabıǵaty tamyljyǵan Býrabaı aýdanyna tıesili. Máńgi jasyl qaraǵaılar men qoldyń salasyndaı aqqaıyńdardyń jalańdaǵan qyzyl órttiń kómeıinde shyrqyraı-shyryldap órtenip ketýi janyńdy aýyrtady-aq. Týrıs­tik aımaqta bıylǵy jazda úlkendi-kishili 14 orman órti tirkeldi. Tabıǵatqa orny tolmas zııan keltirildi. Aqkól aýdanyndaǵy tabıǵat ta osyndaı apattyń saldarynan zardap shegýde.

Al qaý shóptiń jazataıym tutanýy, dala órtine aınalýy jaıyna keletin bolsaq, bul oraıda Ereımentaý aýdany kósh bastap tur. Jyl basynan beri 11 derek tirkelgen.

– Moıny qashyq eldi mekenderde órt sóndirý beketteri bolmaýy qıyndyq týǵyzyp keldi. О́rt oryn ala qalǵan jaǵdaıda der ýaqytynda jete almaý apattyń ulǵaıyp ketýine sebepshi, – deıdi oblystyq tótenshe jaǵdaılar departamenti bastyǵynyń minde­tin atqarýshy Qanat Dospaev.

Kóńilge bir demeýi, olqy túsip jatqan osy is sońǵy ýaqytta oń sıpatqa ıe bolýda. Jergilikti bılik organdary men tabıǵatqa janashyr kásipkerler shalǵaıdaǵy eldi mekenderde órt sóndirý beketterin ashýǵa jumyldyrylǵan. Osy oraıda 30 bekettiń ashylǵanyn aıta ketýge bolady. Aıtyp kelmeıtin apatpen kúresýge táp-táýir qol­ǵa­bys tıgizbek. Oǵan qosa quramynda bir myńnan asa erikti bar eki júzdeı jasaq qurylǵan. Eń bastysy, órttiń aldyn alý maqsatynda reıdter uıymdastyrý jıi­legen.

Tamyz  aıynda da ystyqtyń beti qaıta qoı­maıdy degen boljam bar. Eger karantın ashyla qalsa demalýshylar legi údeı túspek. Beıqamdyqtan sóndirilmeı tastaǵan temekiniń bir tuqyly da jarty álemdi jýsatyp túsiretin órtke sebep bolmaq. Durys sóndirilmegen jeroshaq ta qaýipti. Demek, osy kezde qyraǵylyqty kúsheıtken jón. Jalǵyz tótenshe jaǵdaı qyzmetkerleri ǵana emes, tabıǵattyń tylsym qushaǵyn ańsap kelgender de abaı bolsa eken deı­miz. Tótenshe jaǵdaı departamentiniń qyz­metkerleri 15 mobıldi top quryp, tú­sin­dirý jumystaryn júrgizýde. Áıtse de, ár­kimniń óz kókireginde jaýapkershilik sezimi bolǵanǵa ne jetsin?!

 

Aqmola oblysy

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar