Amerıkanyń áıgili aktrısasy jáne ánshisi Alıssa Djeın Mılano – Fıb Hollıvelldiń "Zacharovannye" telehıkaıasyndaǵy rólimen kópshilikke tanymal ( 1998-2006 jyldary shyqqan). Ol sonymen birge "Kto zdes boss?" jáne "Lıýbovnısy" fılderinde rólderin somdap, kórermen kózaıymyna aınalyp úlgerdi.
Aktrısa óziniń Instagram-daǵy paraqshasynda koronavırýstan keıin onyń shashy qalaı túsip ketkenin kórsetetin beınemen bólisti.
"Men sizderge COVID-19-dyń shashyńyzben ne isteıtinin kórsetkim keledi. Muny baıyppen qabyldańyzdar", dep jazady Mılano.
Keıbir áleýmettik jeli qoldanýshylary da osyndaı qıyndyqtardan zardap shegetinin qosa ketti. "Men de shash máselesi bar. Ol úshin ártúrli dárýmenderdi qabyldaımyn, biraq eshteńe kómektespeıdi. Dál osyndaı jaǵdaı meniń dosymda da bar. Ol sondaı-aq ıis sezý qabiletin joǵaltyp, shashtary túse bastaǵan", deıdi pikir qaldyrýshylar.
Daily Mail kóptegen klınıka men zertteý nátıjeleri COVID-19 ben shashtyń túsýi arasyndaǵy baılanysy týraly jazdy. Sarapshylardyń aıtýynsha, indetpen aýyrǵan naýqastardyń kópshiligi qatty fızıkalyq jáne emosıonaldy stresstiń saldarynan birshama salmaq tastap, shashtyń túsýine áser etetinin aıtyp ótti.
Indıana Ýnıversıteti Medısınalyq mektebiniń doktory Natalı Lambert koronavırýspen aýyrǵan naýqastar arasynda saýaldama júrgizdi. Onyń ishinde 1500-den asa naýqastyń 400-inen shashtyń túsýi jıi baıqalǵan.
Buǵan deıin AQSh-tyń ártúrli zertteý ortalyqtarynyń ǵalymdary koronavırýs adam aǵzasyna áser etedi degen qorytyndyǵa keldi jáne onyń aýyr saldary uzaq jyldar boıy áser etetinin málimdedi.
