Bul tártip saqshylary úshin dástúrli shara. Olar jylyna eki márte oblystyq qan ortalyǵyna kelýdi daǵdyǵa aınaldyrǵan. Donor bolý arqyly qanǵa zárý naýqastarǵa kómek berýdi uıǵardy.
Áýeli qan taptyrmas buryn donorlar aldymen medısınalyq saýalnama toltyrdy. Qan qysymy ólshenip, túrli aýrý belgileriniń bar-joǵy zerthanalyq jolmen anyqtaldy. Tek sonyń qorytyndysy boıynsha ǵana qan tapsyrýǵa ruqsat aldy. Árqaısysynan 450 grammnan qan tapsyrdy. Jıylǵan qan qorynyń quramynda sırek kezdesetin teris rezýsti qan tobyna ıe saqshylar da boldy. Sondyqtan ol qyzmetkerlerdi ortalyq aıryqsha nazaryna aldy. Aq halattylar tapsyrylǵan qan kólemi men onyń minsiz sapasyna basa nazar aýdarady. Sondaı-aq, donordyń densaýlyǵy da qadaǵalaýda bolady.
Is-sharaǵa ujym uıymdasqan túrde bir kisideı atsalysty. Olar bul kúni qan tapsyryp, donor atandy. Dárigerlerdiń deregine sáıkes qazirgi tańda jas donorlar sany az. Olar únemi qan tapsyryp júrse, zııandy ádetterden aýlaq bolyp, sáıkesinshe, salaýatty ómir saltyn ustanatyn jas býyn qatarynyń artatynyna senimdi.
