Foto: Ashyq derekkóz
Prokýratýra júrgizgen taldaý kórsetkendeı, bekire tuqymdas balyqtardy zańsyz aýlaý deńgeıiniń joǵary bolýyna tikeleı tutynýshylyq suranys sebep bolyp otyr. Iаǵnı, brakonerlik ónimderdi satyp alatyn azamattar bul qylmystyń janama yntalandyrýshysyna aınalyp otyr.
2025 jyldyń qorytyndysy boıynsha oblysta ekologııa salasynda 30 quqyq buzýshylyq tirkelgen. О́tken jyly sottarǵa aıyptaý aktisimen 11 qylmystyq is joldanyp, 10 tulǵaǵa qatysty aıyptaý úkimi shyqty.
Prokýratýra mynadaı mańyzdy quqyqtyq eskertýdi qaperge salady: Qylmystyq kodekstiń 339 jáne 339-1-baptaryna sáıkes, tek balyqty aýlaǵan brakonerler ǵana emes, sonymen qatar:
- Zańsyz satyp alýshylar;
- Saqtaýshylar men tasymaldaýshylar;
- О́tkizýshiler (qaıta satýshylar) de qylmystyq jaýapkershilikke tartylady.
Bıyl Atyraý qalasynyń turǵynyna qatysty shyqqan sot úkimi bul eskertýdiń naqty dáleli boldy. Tekserý kezinde onyń avtokóliginen 501,9 kg bekire tuqymdas balyq tabyldy. Sottyń sheshimimen ol 7 jyl merzimge bas bostandyǵynan aıyrylyp, memleketke keltirilgen materıaldyq shyǵyn men baj salyǵy esebine 304 mln teńgeden astam qarajatty óteýge mindetteldi.
Aqtaýda 40 keli qyzyl balyqty zańsyz tasymaldaǵan kúdikti ustaldy
Atyraý oblysynyń prokýratýrasy zańdy bilmeý jaýapkershilikten bosatpaıtynyn eske salady. Jeke tulǵalardan tıisti ruqsat qujattarynsyz, shyǵý tegi kúmándi balyq pen ýyldyryqty satyp alý arqyly siz aýyr qylmystyń sybaılasyna aınalasyz.
