2013 jylǵy 23 shilde Astana qalasy
«Joǵary oqý ornynan keıingi bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý qaǵıdalaryn bekitý týraly» Qazaqstan Respýblıkasy Ishki ister mınıstriniń 2012 jylǵy 8 mamyrdaǵy № 279 buıryǵyna ózgerister engizý týraly
2013 jylǵy 23 shilde Astana qalasy
«Joǵary oqý ornynan keıingi bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý qaǵıdalaryn bekitý týraly» Qazaqstan Respýblıkasy Ishki ister mınıstriniń 2012 jylǵy 8 mamyrdaǵy № 279 buıryǵyna ózgerister engizý týraly
«Quqyq qorǵaý qyzmeti týraly» Qazaqstan Respýblıkasynyń 2011 jylǵy 6 qańtardaǵy Zańynyń 9-babynyń 1-tarmaǵyna sáıkes buıyramyn:
1. «Joǵary oqý ornynan keıingi bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý qaǵıdalaryn bekitý týraly» Qazaqstan Respýblıkasy Ishki ister mınıstriniń 2012 jylǵy 8 mamyrdaǵy № 279 buıryǵyna (Normatıvtik quqyqtyq aktilerdi memlekettik tirkeý tiziliminde № 7769 bolyp tirkelgen, «Egemen Qazaqstan» gazetinde 2011 jylǵy 11 maýsymda № 396-400 (27474) jarııalanǵan) mynadaı ózgerister engizilsin:
kórsetilgen buıryqpen bekitilgen Joǵary oqý ornynan keıingi bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý qaǵıdalarynda (budan ári – Qaǵıda):
16-tarmaq mynadaı redaksııada jazylsyn:
«16. Mynadaı emtıhandar boıynsha:
aǵylshyn tili: Test of English as a Foreign Language Institutional Testing Programm (TOEFL ITP – keminde 460 ball), Test of English as a Foreign Language Institutional Testing Programm Internet-based Test (TOEFL IBT, shekti ball – keminde 87), (TOEFL, shekti ball - keminde 560 ball), International English Language Tests System (IELTS, shekti ball – keminde 6.0); nemis tili: Deutsche Sprachprfung fur den Hochschulzugang (DSH, Niveau C1/S1 deńgeıi), TestDaF-Prufung (Niveau C1/S1 deńgeıi); fransýz tili: Test de Francais International™ (TFI – oqý jáne tyndalym seksııalary boıynsha B1 deńgeıden tómen emes), Diplome d’Etudes en Langue francaise (DELF, V2 deńgeıi), Diplome Approfondi de Langue francaise (DALF, S1 deńgeıi), Test de connaissance du francais (TCF – keminde 400 ball) boıynsha Shet tilin meńgerýdiń jalpyeýropalyq quzyretterine (standarttaryna) sáıkes shet tilin meńgergenin rastaıtyn halyqaralyq sertıfıkattary bar oqýǵa úmitkerler magıstratýraǵa jáne PhD doktorantýraǵa shet tili boıynsha túsý emtıhanynan bosatylady.»;
18-tarmaqtyń birinshi bóligi mynadaı redaksııada jazylsyn:
«18. IIM joǵary oqý oryndarynyń magıstratýrasyna jáne PhD doktorantýrasyna túsý emtıhandaryn ótkizý kezinde IIM-niń qabyldaý komıssııasy jáne mamandyqtar boıynsha emtıhandyq komıssııalar qurylady, olardyń quramy Qazaqstan Respýblıkasy Ishki ister mınıstriniń buıryǵymen bekitiledi.»;
19-tarmaq mynadaı redaksııada jazylsyn:
«19. Mamandyq boıynsha emtıhan komıssııasy tıisti mamandyqtar boıynsha ǵylymı dárejesi bar IIM joǵary oqý oryndarynyń, sondaı-aq basqa joǵary oqý oryndarynyń jáne ǵylymı uıymdardyń qyzmetkerlerinen qalyptastyrylady.
Mamandyq boıynsha emtıhan komıssııasynyń quramy tóraǵa jáne úsh músheden turady, onyń ekeýi ǵylym doktory bolyp tabylady.»;
20-tarmaq alynyp tastalsyn;
22-tarmaq mynadaı redaksııada jazylsyn:
«22. Magıstratýraǵa jáne PhD doktorantýraǵa túsý emtıhandaryn ótkizý kezinde biryńǵaı talaptardy saqtaýdy jáne daýly máselelerdi sheshýdi qamtamasyz etý maqsatynda apellıasııalyq komıssııa qurylady.
Apellıasııalyq komıssııa túsý emtıhandarynyń nátıjelerimen kelispegen oqýǵa úmitkerlerdiń ótinishterin qaraý úshin qurylady.
Apellıasııalyq komıssııanyń quramy tóraǵa jáne eki músheden turady jáne IIM qabyldaý komıssııasy tóraǵasynyń buıryǵymen bekitiledi.
Apellıasııalyq komıssııa IIM joǵary oqý oryndary bastyqtarynyń usynymdary boıynsha IIM joǵary oqý oryndarynyń, sondaı-aq basqa joǵary oqý oryndarynyń jáne ǵylymı uıymdardyń qyzmetkerleri qatarynan qalyptastyrylady.»;
27-tarmaq mynadaı redaksııada jazylsyn:
«27. Magıstranttar men doktoranttar qataryna qabyldaýdy IIM-niń qabyldaý komıssııasy júzege asyrady.».
2. Kadr jumysy departamenti (A.Ú. Ábdiǵalıev) Qazaqstan Respýblıkasynyń Ádilet mınıstrliginde osy buıryqty belgilengen tártipte memlekettik tirkeýdi jáne merzimdi baspa basylymdarda jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń birinshi orynbasary polısııa general-maıory M.Ǵ. Demeýovke júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótkennen qoldanysqa engiziledi.
Mınıstr polısııa general-leıtenanty Q. QASYMOV.
Buıryq Qazaqstan Respýblıkasynyń Ádilet mınıstrliginde 2013 jylǵy 8 tamyzda Normatıvtik quqyqtyq kesimderdi memlekettik tirkeýdiń tizilimine № 8620 bolyp engizildi.
