Aımaqtar • 12 Tamyz, 2020

Qasqabulaqtaǵy qaqtyǵys: kináliler anyqtalyp, tergeý júrgizilýde

99 ret kórsetildi

Sońǵy ýaqytta Jambyl oblysynda oryn alǵan Qordaı qaqtyǵysy qoǵamda qyzý pikir qalyptastyrdy. О́zara kelispeýshilikten týǵan eregestiń sońy jappaı tóbeleske ulasyp, oǵan tipti Memleket basshysy Qasym-Jomart Toqaevtyń ózi aralasty. Prezıdent pármenimen naqty tapsyrmalar berilip, tıisti sharalar qabyldanyp, qaqtyǵys der kezinde toqtatylǵan bolatyn. Jýyrda Talas aýdanynyń Qasqabulaq aýylynda da buzaqylyq áreket oryn alyp, abyroı bolǵanda bul da ýaqytynda aýyzdyqtaldy, - dep habarlaıdy Egemen.kz.

Jalpy, Qasqabulaq aýylynda kúrdi ultynyń ókilderi turady. 1937 jyly Áýlıeata óńirine kelgen olar sodan beri Qarataý aımaǵyna turaqtap qalǵan. Búginde ol aýylda 1204 úı bar. Sońǵy on jyl kóleminde bul aýylda birde-bir qylmys oryn almaǵan eken. Alaıda, 10 tamyzdan 11-ne qaraǵan túni bir top jastar jergilikti birneshe turǵyndardyń úıiniń jáne kitaphana ǵımaratynyń terezelerin syndyrǵan. Bul buzaqylyq árekettiń qalaı, neden bastalǵany búginde anyqtalý ústinde. Búginde qylmysqa qatysy barlardyń bári de ustalyp, Qazaqstan Respýblıkasy Qylmystyq Kodeksiniń 293-baby, buzaqylyq boıynsha sotqa deıingi tergeý bastalǵan.

Qasqabulaq aýylynda oryn alǵan jaǵdaıǵa baılanysty habar jetken mezette birden oqıǵa ornyna polıseıler men oblys ákiminiń áleýmettik máseleler jónindegi orynbasary attanǵan. Jaǵdaı jedel baqylaýǵa alynyp, barlyq buzaqylar qolǵa túsken. Qazirgi tańda quqyq qorǵaý organdarynyń qyzmetkerleri oqıǵanyń mán-jaıyn, kináliler men arańdatýshylardy anyqtaý ústinde. Oblystyq ákimdiktiń málimetinshe, jergilikti turǵyndardyń alańdaýyna esh negiz joq. Olardyń qaýipsizdigi tolyqtaı qamtamasyz etilgen. Budan keıin oblys ákimi Berdibek Saparbaev Qasqabulaq aýylyna arnaıy baryp, jergilikti turǵyndarmen kezdesti.

"Biz quqyqtyq memlekette ómir súrip jatyrmyz jáne qoǵamdyq tártipti buzǵandardyń barlyǵy zań aıasynda jaýap beredi. Eń bastysy – qazaqstandyq qoǵamda beıbitshilik pen tynyshtyq saqtalýy kerek", dedi ákim. Sonymen qatar, ol jastar, ásirese buzaqylyqqa qatysy bar jastardyń ata-analary arasynda da tárbıe jumystaryn kúsheıtý qajettigin aıtyp ótti.

"Munyń bári isteıtin istiń joqtyǵynan týyndaıdy. Eger adamnyń on eki múshesi saý bolsa, onda ol ata-anasyna masyl bolmaı, eńbek etýi kerek. Ata-analar ózderi balalarynyń bos ýaqytyn qalaı ótkizip júrgendiginen habarsyz. Bizdiń jalǵyz Otanymyz bar, ol – Qazaqstan. Biz ózimizdegi eń qundy dúnıe – qoǵamdaǵy beıbitshilik pen kelisimdi baǵalaı bilýimiz kerek. Taǵy da qaıtalap aıtamyn, zańdy buzǵan árbir adam qatań jaýapqa tartylady. Shamasy, bul buzaqylyqty arnaıy uıymdastyrýshylar bolǵan sekildi. Polısııanyń mindeti – olardy tabý jáne osyǵan uqsas oqıǵalardyń aldyn alý. Ata-ana, mektep, qoǵam jáne bılik, bulardyń bári birlese otyryp, óskeleń urpaqtyń boıynda toleranttylyq, meıirimdilik jáne adamsúıgishtik, árbir azamatqa qurmetpen qaraý sekildi ıgi qasıetterdi qalyptastyrý jolynda jumyla jumys atqarýy tıis", dedi Berdibek Saparbaev.

Kezdesýde aýyl turǵyndary da ózderiniń oıymen bólisti. Osy ýaqytqa deıin birde-bir buzaqylyq oqıǵasy tirkelmegen aýyldyń turǵyndary da bul jaǵdaıǵa tańdanýda.

"Bizdiń qoǵamda eshkim alaýyzdyq týdyra almaıdy jáne bir top jastardyń buzaqylyq áreketterinen eshqandaı astar izdeýdiń qajeti joq", deıdi aýyl aqsaqaly Mahmýd Temırov. Sonymen qatar, aýyl qarııasy Amanjol Dildabekov te sóz alyp, bolǵan oqıǵa týraly óz pikirin bildirdi.

"Men Qasqabulaq aýylynyń turǵyndarynan jastarymyzdy baqylaı almaǵanymyz úshin keshirim suraımyn", dedi ol. Sonymen qatar, kezdesýge ustalǵandardyń týystary da qatysty. Búgingi tańda Qasqabulaq aýylynda jaǵdaı turaqty. Jergilikti turǵyndar qaıtadan qalypty tirshiligine kóshken.

 

Jambyl oblysy

Sońǵy jańalyqtar

8 óńirde qolaısyz meteojaǵdaı kútiledi

Aýa raıy • Búgin, 09:41

Elorda oqýshylary qashyqtan oqıdy

Qoǵam • Búgin, 09:24

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar