Jyl basynan beri munaı óńiriniń polıseıleri 467 mas júrgizýshini, onyń ishinde 370-in oblys ortalyǵynda ustady.
– 46 adam mas kúıinde kólik júrgizip qana qoımaı, júrgizýshi kýáligi de bolǵan joq. Bul quqyq buzýshylyqtyń qylmystyq jazalanatyn áreket belgileri bolǵandyqtan, olarǵa qatysty QR QK-niń 346-baby boıynsha sotqa deıingi tergeý bastaldy, – dep atap ótti polısııa departamentinde.
Olardyń qatarynda múmkindigi shekteýli jandar (tórteýi), úsh júkti áıel, sondaı-aq kámeletke tolmaǵan eki jasóspirim bar.
Mysaly, 15 shildege qaraǵan túni Atyraý qalasynyń ortalyǵynda tártip saqshylary 32 jastaǵy qala turǵynyn ustady. Áıel júktiliktiń besinshi aıynda boldy, biraq bul onyń "Nissan Juke" kóligin basqarýǵa jáne óz isine barýǵa kedergi bolmady. Keıinnen sot ákimshilik istiń materıaldaryn qarap, ony kólik júrgizý quqyǵynan aıyrdy.
Bir aptadan keıin, túnde Sátbaev-Pýshkın kósheleriniń qıylysynda 17 jasar jasóspirim basqarǵan "Nissan Tiida" markaly avtokólik toqtatyldy. Júrgizýshiniń kýáligi bolǵan joq, al saraptama nátıjeleri onyń mas kúıinde kólik tizginin basqarǵany belgili boldy. Bul jaǵdaıda kámeletke tolmaǵan balanyń ata-anasy jaýapqa tartyldy, ákimshilik sot olarǵa 27 780 teńge aıyppul saldy. Sonymen qatar, jasóspirimniń ata-anasyn ıývenaldy sot kútip otyr. Onda ÁQBtK-niń 442-baby "Kámeletke tolmaǵandardyń túngi ýaqytta zańdy ókilderiniń erip júrýinsiz turǵyn úıden tys jerde bolýy" boıynsha materıaldar jiberildi.
Barlyq tártip buzýshylar ÁQBtK-niń 608-baby "Kólik quralyn mas kúıinde júrgizýshini basqarý" boıynsha ákimshilik jaýapkershilikke tartyldy. Polıseıler osy jyldyń qańtar aıynan bastap kólikti mas kúıinde basqarǵany úshin jaza kúsheıtilgenin eske salady. Mundaı quqyq buzýshylardy 15 táýlikke ákimshilik qamaýǵa alý jáne jeti jyl merzimge basqarý quqyǵynan aıyrý kútip tur. Al qaıta quqyq buzýshylyq bolǵan jaǵdaıda qamaýǵa alý merzimi 20 táýlikke deıin, al quqyqtan aıyrý – segiz jylǵa deıin uzartyldy.
