Foto: Ashyq derekkóz
Sońǵy jyldary Qazaqstanda birneshe ret raqymshylyq jarııalandy. Máselen 2021 jyly Táýelsizdiktiń 30 jyldyǵyna oraı júrgizilgen raqymshylyq aıasynda 2 myńnan astam adam bosatylyp, 11 myńnan astam sottalýshynyń jaza merzimi qysqartyldy.
Elimizde sottalǵan azamattardyń qanshasy raqymshylyqqa iligedi?
Jańa qujatqa sáıkes ákimshilik raqymshylyq negizinen aıyppuldarǵa jáne qoǵamǵa asa qaýip tóndirmeıtin quqyq buzýshylyqtarǵa qatysty júrgiziledi. Májilis depýtaty Nursultan Baıtilesovtiń aıtýynsha, zań jobasy halyqaralyq tájirıbege súıene otyryp daıyndalǵan.
«Mysaly, Italııada ákimshilik júktemeni azaıtý jáne azamattardyń mindettemelerin óz erkimen oryndaýyn yntalandyrý maqsatynda ákimshilik aıyppuldar men qarjylyq sanksııalardan bosatý tetikteri paıdalanylǵan. AQSh-ta keıbir shtattar bereshekti erikti túrde óteý jaǵdaıynda ákimshilik sanksııalar men ósimpuldardy ýaqytsha alyp tastaý baǵdarlamalaryn júzege asyrǵan. Al Indonezııada ákimshilik raqymshylyq memlekettik aýqymdy reformalardyń bir bóligi retinde qoldanylyp, aktıvterdi zańdastyrýǵa, memlekettik ınstıtýttarǵa degen senimdi arttyrýǵa jáne quqyqtyq keńistikti keńeıtýge baǵyttalǵan», dedi Májilis depýtaty.
Qazaqstanda kimderdiń ákimshilik jazalary tolyqtaı keshiriledi?
Onyń aıtýynsha, ákimshilik quqyq buzýshylyqtar boıynsha raqymshylyq jasaý elimizdegi osy baǵyttaǵy alǵashqy tájirıbe bolmaq.
«Ákimshilik raqymshylyq – bul sońǵy núkte emes, bul úlken úderistiń bastaýy. Aldaǵy ýaqytta bul quqyqtyq sharanyń nátıjesin baǵamdaı kele, ákimshilik zańnamany budan da keńirek formatta izgilendirýge múmkindik týady. Osy ıgilikti shara arqyly árbir azamat óziniń jibergen kemshiligin sezinip, qoǵamda zań men tártipti saqtaýǵa úlken jaýapkershilikpen qaraıdy dep senemin», dedi Nursultan Baıtilesov.
Eske sala keteıik, búgin Májilistiń jalpy otyrysynda raqymshylyq, keden men psıhologııalyq qyzmetke qatysty zań jobalary qaralyp jatyr.
