Jolda olarǵa polısııa qyzmetkerleri kómek kórsetip, kólikti medısınalyq mekemege deıin alyp júrgen. Dárigerlerdiń jedel áreketiniń arqasynda jasóspirimniń jaǵdaıy turaqtanyp, qazir onyń ómirine eshqandaı qaýip tónip turǵan joq.
T.Orynbaev atyndaǵy qalalyq gıperbarııalyq oksıgenasııa ortalyǵynyń bas dárigeri Madına Ermahanbetovanyń aıtýynsha, naýqas 29 mamyr kúni ortasha aýyr hálde toksıkologııa bólimine jatqyzylǵan. Qajetti em-dom júrgizilgennen keıin onyń jaǵdaıy aıtarlyqtaı jaqsaryp, kelesi kúni úıine shyǵarylǵan.
Mamandardyń málimetinshe, bıylǵy maýsym bastalǵaly beri saryshaıan shaqqan 37 adam stasıonarlyq em qabyldasa, taǵy 102 turǵyn ambýlatorııalyq túrde emdelgen.
Dárigerler saryshaıan shaqqan kezde qatty aýyrsyný paıda bolatynyn aıtady. Mundaı jaǵdaıda aldymen zardap shekken adamdy qaýipsiz jerge shyǵaryp, jarany taza sýmen jýyp, sýyq basý qajet. Sondaı-aq ýdyń aǵzaǵa taralýyn baıaýlatý úshin zaqymdanǵan qoldy nemese aıaqty qozǵaltpaı bekitken jón.
Aqmola oblysynda kene shaqqan jasóspirim jansaqtaý bólimine tústi
Mamandar balalarǵa, egde jastaǵy adamdarǵa jáne sozylmaly aýrýy bar azamattarǵa saryshaıan ýynyń áseri erekshe qaýipti ekenin eskertedi. Ýlanǵan adamda bas aınalý, qusý jáne qatty bas aýrýy baıqalýy múmkin. Dáriger kelgenge deıin aýyrsynýdy basatyn dári qabyldaýǵa ruqsat etiledi.
Qaýiptiń aldyn alý úshin qalyń shóp ósken jerlerde abaı bolyp, jabyq aıaq kıim kııý usynylady. Sondaı-aq dalada qalǵan kıim men aıaq kıimdi kımes buryn muqııat tekserý qajet. Úı mańyn qoqystan tazartyp, qabyrǵalardaǵy jaryqtardy ýaqytyly biteý de skorpıondardyń úı mańyna kelý qaýpin azaıtady.
