Aımaqtar • 12 Tamyz, 2020

Almaty oblysynda et pen sút óndirisi artyp, qurylys jumystarynyń kólemi ósken

270 ret

kórsetildi

1 mın

oqý úshin

Jyl basynan beri Almaty oblysynda óńdeý ónerkásibiniń, agrarlyq salanyń, qurylys jumystarynyń kólemi artqan. Máselen, ónerkásiptik óndiris 5 %-ke, aýyl sharýashylyǵy 2,4 %, al qurylys jumystary 6,5 % ósim kórsetip otyr, - dep habarlaıdy Almaty oblysy ákiminiń baspasóz qyzmeti.

Dınar KERIM

Almaty oblysynda et pen sút óndirisi artyp, qurylys jumystarynyń kólemi ósken

2020 jyldyń qańtar – shilde aılarynda oblysta ekonomıkanyń negizgi salalarynda ósim qamtamasyz etilgen. Oblystyq ekonomıka jáne bıýdjettik josparlaý basqarmasynyń málimetine qaraǵanda, óńdeý ónerkásibiniń, onyń ishinde tamaq ónimderin, temeki buıymdaryn óndirý, farmasevtıka, elektr jabdyǵyn óndirýdiń joǵarylaýy esebinen (105,9%) ónerkásiptik óndiris kólemi 5%-ke ulǵaıyp, 636,0 mlrd. teńgeni qurady.

Aýyl sharýashylyǵyndaǵy ósim 2,4%, ıaǵnı 264,2 mlrd. teńgege jetken, et jáne sút óndirisi artty.

Karantın kezeńinde toqtamaı jumys istegen salanyń biri – qurylys. Sonyń nátıjesinde bul saladaǵy jumystardyń kólemi 6,6%-ke ósip, 119,4 mlrd. teńge boldy. Atap aıtqanda, 525 myń sharshy metr turǵyn úı iske qosylǵan. Ekonomıka jáne bıýdjettik josparlaý basqarmasyndaǵylar osy jyly ınvestısııa tartý isiniń de báseńdemegenin aıtady. Olardyń málimetine súıensek, jeti aı ishinde oblysqa 292,5 mlrd. teńge ınvestısııa tartylyp, ósim 9,3%-ti quraǵan.