Jel elektr stansııasy dattyq tehnologııa boıynsha salynǵan. Qýaty 3760 Kvt. Qarapaıym tilmen aıtqanda, 1500 úıdi elektr energııasymen úzdiksiz qamtamasyz etýge qaýmeti tolyq jetedi. Eger jyl sońyna deıin taǵy da jeti qondyrǵy ise qosylsa, stansııanyńqýaty eselene artpaq.
Ras, búgin elimizde elektr qýatynyń tapshylyǵy joq. Sonda jel elektr stansııasy nesimen qundy degen saýal óz-ózinen týyndaıdy emes pe? Bul taraptaǵy tamasha tabys – tabıǵı qýat kózin paıdalaný.
–Balamaly qýat kózin paıdalaný eń aldymen eshkimge táýeldi bolmaımyz degen uǵymdy bildiredi,–deıdi ınjener Sanat Bıbekov,–búgingi tańda elimizde mundaı qýat kózi óte az óndiriledi. Jalpy kólemniń 10 prosenti deńgeıinde. Aldaǵy ýaqytta bul kólemdi keminde 40 prosentke jetkizsek, birshama tabysqa keneler edik. Krasnoıarda jel elektr stansııasyn ornatý arqyly óńirde energııa tapshylyǵyn birtindep joıý baǵytynda tyń bastama jasadyq. Jyl sońyna deıin stansııa qýatyn eki ese arttyryp, úsh myń úıdi balamaly qýat kózimen qamtıtyn bolamyz.
Jaqsy jańalyqqa aýyl turǵyndary da eleń ete qalǵan. Bul oraıda bizge belgili bolyp otyrǵan jaıt elektr energııasynyń baǵasy tómendeı qoımaıdy eken.
–О́ıtkeni, jel qýatynan óndirilgen energııa ortaq jelige túsedi. Anyǵynda elektr energııasy osy ýaqytqa deıin jetkiliksiz bolyp keldi. Bul qadam tek sol olqylyqtyń ornyn toltyrady. Al, tarıf baǵasyn tómendetýge qatysty áńgime múlde joq,–deıdi selolyq okrýg ákimi orynbasarynyń mindetin atqarýshy Qaırat Júsipbekov.
Oǵan sebep joba jekemenshik ınvestısııa esebinen júzege asyrylýynda. Bes qondyrǵynyń quny 1 mıllıard 200 mıllıon teńge shamasynda. Keıin qosylýy kózdelgen jeti qondyrǵy 1,5 mıllıard teńge turady. Bálkim, salynǵan qarajat qaıtarym bergennen keıin qaıyry halyqqa tıetin shyǵar.
Aqmola oblysy
