AQSh Qazaqstanǵa 40-45 mlrd. dollar qaryz. Bul týraly Tengrinews.kz habarlady.
Investısııa tıimdiligin zertteý agenttiginiń aǵa analıtıgi Artem Ýstımenkonyń málimetine qaraǵanda, AQSh-tyń ózge memleketter men táýelsiz qorlardyń aldyndaǵy syrtqy taza qaryzy 5,59 trln. dollardy quraıdy. Ol qaryzdyń úlken bóligi Qytaı men Japonııaǵa tıesili. AQSh-tyń Qytaı memleketiniń aldyndaǵy qaryzy 1,28 trln. dollardy qurasa, Japonııaǵa ol 1,14 trln. dollar qaryz eken.
Ýstımenkonyń aıtýy boıynsha, AQSh memlekettik qaryzynyń aýqymdylyǵyna qaramastan, qaryzdyń kólemin ulǵaıtýǵa múddeli. Sebebi, ázirge onyń federaldy qarajatynyń tapshylyǵyn túzeıtin mehanızm qurylmaı tur.
Budan buryn AQSh memlekettik qaryz shekteýin kóterip, ymyraly qarjy jobasyn qabyldaǵan bolatyn. Bul arqyly shtattardyń tehnıkalyq defoltqa túsý qaýpiniń beti qaıtaryldy. Qabyldanǵan jobada memlekettik mekemelerdiń 2014 jylǵy 15 qańtarǵa deıingi qyzmetine kepildik jasalǵan. Sondaı-aq qujatta AQSh memlekettik qaryzynyń kólemi 328 mlrd. dollarǵa óskeni kórsetilgen.
Aıdar О́risbaev.
