Ekologııa mınıstrligi Ekologııalyq retteý jáne baqylaý komıtetiniń tóraǵasy Zýlfýhar Joldasovtyń aıtýynsha, JEO-2 modernızasııasynyń bul nusqasy JEO shyǵaryndylaryn qazirgi 37-den 6 myń tonnaǵa deıin 83% tómendetedi.
«Endi kúkirt dıoksıdi, kúl shańy sııaqty ýly zattar tolyǵymen joıylady», - dep tolyqtyrdy Zýlfýhar Joldasov.
«Jobanyń aldyn-ala quny 98 mlrd. Teńgeni quraıdy. Esepteýlerge sáıkes, bul jylý men elektr energııasyna tarıfterdiń 34% kóterilýine ákelýi múmkin », - dedi komıtet basshysy. Kezdesý barysynda ol uqsas sheshimder JEO-3 úshin de shyǵarylýy kerek, olardyń shyǵaryndylary 11,7 myń tonnaǵa teń jáne Almaty qalasynyń aýa basseınine áser etedi. «Samuryq-Energo» ókiliniń aıtýynsha, kelesi jyly JEO-3 qaıta qurýdyń tehnıkalyq-ekonomıkalyq negizdemesin ázirleýge qarjy bólinýde. Qazir biz gaz suranysyn daıyndap jatyrmyz. Biz otynnyń qandaı túrin qoldanatynymyzdy túsinýimiz kerek. Kómir úshin - kúl úıindisi joq. Jalǵyz janarmaı - bul gaz », - dedi Tıýtebaev.
Jańartylǵan JEO-2 jáne 3 nysandaryn paıdalanýǵa berý merzimderi týraly QR Ekologııa, geologııa jáne tabıǵı resýrstar mınıstri Maǵzum Mırzaǵalıevtiń naqtylanǵan suraǵyna Serik Tıýtebaev JEO-2-niń josparlanǵan paıdalanýǵa berý merzimi 2024, al JEO-3 2024-2025 jyldar arasynda paıdalanýǵa beriledi. Jalpy, Almaty JEO-2-in gazdandyrý memlekettiń baqylaýynda ekeni osyǵan deıin talaı ret aıtylǵan. 2017 jyldyń kókteminde Almaty JEO-2-ni gazǵa aınaldyrý múmkin emes dep málimdedi. Bul seısmıkalyq qaýipsizdik talaptaryna baılanysty. Sebebi, stansııa 12 metrge deıingi tereńdikte jumys isteıdi. Gazdyń qysymy aýadan jeńil. Sondyqtan, ol jerge gazdy jetkizý tehnıkalyq jaǵynan qaýipti. Sol sebepti táýelsiz sarapshylar, ótken ǵasyrdyń sekseninshi jyldary salynǵan jáne barlyq jumysy kómir men mazýtke ólshenip salynǵan JES-yn gazǵa kóshirgennen jańa stansııa qurylys salý tıimdi ekenin aıtady.
2020 jyldyń basynda Ekologııa mınıstrligi Ekologııalyq retteý jáne baqylaý komıtetiniń tóraǵasy Zýlfýhar Joldasov Almatyǵa kelip, Almatydaǵy ekologııalyq máselelerdi 30-dan astam núkteden sheshý úshin egjeı-tegjeıli baǵdarlama daıyndalyp jatqanyn, avtomattandyrylǵan júıeni qarastyrý kerek degen sheshimge toqtalǵanyn aıtqan bolatyn. «Eger biz bir qondyrǵyny ornatsaq, shyǵaryndylardy 4 myń tonnaǵa deıin azaıta alamyz. Bul úlken jetistik, sondyqtan biz jylý elektr stansııalarynyń shyǵaryndylaryn 100% derlik sheshemiz », - degen edi Zýlfýhar Joldasov. Mamandardyń aıtýynsha, bir ǵana Almaty JEO-nan shyǵatyn kúl, zııandy qaldyqtar jetkilikti. Onyń ekologııaǵa keri zardaby týraly másele osyǵan deıin de talaı –talaı zertteýlerdiń ózegine aınalǵan. Almatyda JEO-2 ǵana kómirmen jumys isteıdi. Almatynyń ortasyndaǵy JEO-1 gazben jumys isteıdi. Almatynyń aınalasyndaǵy shaǵyn jylý elektro stansııalary áli kúnge deıin kómir men mazýtke táýeldi. Bir ǵana JEO-2-ni gazǵa kóshirý Almatynyń ekologııasyn sheshpeıdi, sol sebepti Almatynyń aınalasyndaǵy shaǵyn stansııalardyń barlyǵyn gazǵa kóshirý kerektigin mamandar talaı ret aıtqan. Sonymen, talaıdan beri jyr bolyp kele jatqan JEO-2- niń taǵdyryna qatysty kesimdi sóz aıtyldy. Endi sózden iske kóshý ǵana qaldy.
