Búgin, 15 tamyzda Sháken Aımanov atyndaǵy «Qazaqfılm» kınostýdııasynyń aýmaǵynda bolǵan órtke baılanysty Almatyǵa jumys saparymen Qazaqstan Respýblıkasy Mádenıet jáne sport mınıstri Aqtoty Raıymqulova, Mádenıet jáne sport vıse-mınıstrleri Nurǵısa Dáýeshov pen Sáken Musaıbekov bardy, - dep habarlaıdy Egemen.kz mınıstrliktiń baspasóz qyzmetine silteme jasap.
Mınıstrlik ókilderimen kezdesýge Sh.Aımanov atyndaǵy «Qazaqfılm» kınostýdııasynyń prezıdenti Aqan Sataev, Almaty qalasy ákiminiń orynbasary Erjan Babaqumarov, Almaty qalasy IID bastyǵynyń orynbasary Aıdyn Qabdýldınov, Almaty qalasy IID tergeý basqarmasy bastyǵynyń orynbasary, polısııa maıory Oljas Sháripov, Almaty qalasy TJD bastyǵynyń orynbasary polkovnık Erlan Álibekov jáne Almaty qalasy ákimdigi men kınostýdııa qyzmetkerleri qatysty.
Kezdesý barysynda órt shyqqan oryndarda tekserý júrgizilip, jaýapty mekemeler ókilderi órttiń paıda bolýynyń sebebi men hronologııasy týraly baıandama jasady. QR Mádenıet jáne sport mınıstri Aqtoty Raıymqulova órtti sóndirýge qatysqan azamattarǵa alǵysyn bildirdi.
Aıta keteıik, qalalyq TJD málimetinshe, órt týraly habar 14 tamyzda Nur-Sultan ýaqyty boıynsha saǵat 21:33-te kelip túsken. О́rt sóndirýge qajetti tehnıka oqıǵa ornyna 7 mınýtta jetken. О́rt sóndirýshiler kelgen sátte «Qazaqfılm» aýmaǵynda dekorasııaǵa arnalǵan, temir qalqanyń astyna salynǵan qurylys materıaldar laýlaǵan ottyń ortasynda bolǵan. О́rt shyqqan jerdiń aýdany 400 sharshy metrdi quraıdy.
Alǵashqy oshaqty sóndirý kezinde kınostýdııa aýmaǵynda aýdany 200 sharshy metrdi quraıtyn aǵash ǵımarat («Shaıban Shah saraıy» dekorasııasy) jaqtan ekinshi órt oshaǵy baıqalǵan. Eki oshaqtyń arasy 300 metr.
Almaty qalasy TJD habarlaýynsha, birinshi órt oshaǵy 23:10-da, ekinshisi - 23:26-da sóndirilgen. О́rt sóndirýshiler «Qazaqfılmniń» ákimshilik ǵımarattaryna ottyń ótýine jol bermegen. Zardap shekkender joq.
О́rtti sóndirýge, TJD – 53 qyzmetker men 16 birlik tehnıka, Polısııa departamentiniń – 30 qyzmetkeri men 10 birlik tehnıka, JMK qyzmeti - 6 qyzmetkeri men 2 birlik tehnıka, Almaty qalasy ákimi apparatynyń qutqarý qyzmeti - 4 qyzmetker men 4 birlik tehnıka, "Almaty Sý" MKK – 6 qyzmetker, 3 birlik tehnıka jumyldyryldy.
SQO-da makaron ónimderiniń baǵasy 40% arzandady
Qoǵam • Búgin, 20:42
Jeke kýálikti jedel jasatý quny qansha turady?
Qoǵam • Búgin, 20:17
«Nauryz» serıaldar báıgesiniń jeńimpazdary anyqtaldy
Mádenıet • Búgin, 19:44
«Altyn alqa» men «Kúmis alqa» ıelerine járdemaqy avtomatty túrde taǵaıyndalady
Qoǵam • Búgin, 19:30
«Tumar» telebaǵdarlamalar baıqaýyna eki nomınasııa qosylady
Mádenıet • Búgin, 19:11
UQK Soltústik Qazaqstanda separatızmdi nasıhattaý baby boıynsha tintý júrgizýde
Qoǵam • Búgin, 18:32
Uqsas jańalyqtar
