Shahar turǵyndary jaǵalaýda shashylǵan qoqystar men qyrylyp qalǵan balyqtar máselesine shaǵymdanyp, buryn bul sý aıdynynda balyqtarǵa qaýip bolmaǵanyn jetkizgen. Al Túrksib aýdanynyń ákimdigi bul kóldiń 2017 jyly Aýyl sharýashylyǵy mınıstrligi «Aq Otaý grýp» JShS «Qazaq óndiristik-beıimdeý stansasy» RMKK-ǵa berilgenin atap ótti.
«Teńgerimde ustaýshy mekemeniń málimetine sáıkes, kóldi abattandyrý josparlanǵan. Aýdan ákimi apparatynyń tarapynan teńgerimde ustaıtyn mekeme terrıtorııany durys saqtamaǵany úshin birneshe ret ákimshilik jaýapqa tartyldy», deıdi aýdan ákimdigi.
Jýyrda atalǵan kólge Ekologııa, geologııa jáne tabıǵı resýrstar mınıstrligi Almaty qalalyq ekologııa departamenti, «Qazgıdromet» jáne Almaty qalalyq orman sharýashylyǵy jáne janýarlar dúnıesi ınspeksııasy qyzmetkerleri bardy. Olar sý synamalaryn alyp, balyqtardyń jappaı qyrylýynyń sebebin anyqtaıdy.
Ekologııa mınıstrligi kezekti ret azamattardy demalys aımaqtarynda tazalyq jáne tártip saqtaýǵa, qoqysty jınap júrýge shaqyrady. Zańbuzýshylyqtar bolǵan jaǵdaıda kináliler jazalanady. Jaqyn arada azamattardyń qorshaǵan ortaǵa keltirgen zııany úshin jaýapkershilik kúsheıtiledi.
