Aımaqtar • 17 Tamyz, 2020

Kól qamysynan arylsa...

358 ret kórsetildi

Sońǵy jyldary tananyń kózindeı jarqyrap jatatyn Qopa kólin qaýlaı ósken qamys basyp ketti. Qopaǵa quıatyn Qylshaqty ózenin de túıeniń boıyndaı qaý basqan. Rabaısyz ósken ósimdikterdiń saldarynan kól sýy da, ózen sýy da lastanýda. Qazirgi kúni oblystyq tabıǵı resýrstar basqarmasynyń mamandary arnaıy joba sheńberinde tazartý jumystaryn júrgizýde.

Kókshetaý qalasynyń dál irgesindegi Qopa kóli lastanǵaly qaı zaman?! Kól baǵy keshegi keńes zamanynda taıǵan. Kólge quıa­tyn Shaǵalaly ózeniniń boıyna Zerendi, Sandyqtaý aýdandarynyń sharýashylyqtary mal qoralaryn taqap salǵannan beri sý lastandy. «Jyǵylǵanǵa judyryq» de­gendeı, qamys ósip, baldyr ba­syp ketti. Kóldiń sanıtarlyq-eko­logııalyq jaǵdaıynyń ýshy­ǵýyna Qylshaqty ózeniniń ahýaly da sebep bolyp tur. Qazirgi kúni mamandar ózen arnasyn sýasty ósimdikterinen tazartýǵa kirisýde. Ekologııalyq joba bes ýchaskege bólingen.

– Basqarma Qopa kólin tazartý jolyn jan-jaqty zerdeleı kele, jańa joba ázirledi, – deı­di oblystyq tabıǵı resýrstar men tabıǵatty paıdalanýdy retteý basqarmasy basshysynyń oryn­basary Bolat Toqyshev, – eli­mizdegi oblys ortalyqtary ishinde irgesinde dál osyndaı kóli bar, jıekte qos ózeni aǵyp jatqan qala Kókshetaý ǵana. Sondyqtan ekologııalyq jaǵdaıdy saýyq­tyryp, tabıǵattyń tartýyn eldiń ıgiligine jaratý paryz.

Qazir atalǵan ýchaskede 15 adam jumys isteıdi. Qajetti tehnı­ka­larmen qamtamasyz etilgen. Ta­zartý jumystary qyrkúıek aıyn­da tolyq aıaqtalmaq, ázirge jartysy eńserilip qalypty. Merdiger Maksım Karbýshevtyń aıtýyna qaraǵanda, eki myń tekshe metrden astam qoqys shyǵarylǵan. О́zen arnasyndaǵy sýasty ósimdikterin shabý úshin arnaıy tehnıka satylyp alynǵan. Bul oraıda sý kózin tazalaıtyn Belarýs tehnologııasy áldeqaıda utymdy eken.

– «LK-12A» qurylǵysy sýas­ty shóbin shabýǵa arnalǵan. Retine qaraı saǵatyna 0,8 gektarǵa deıin tazarta alady, – deıdi ınjener Ádil Ábjanov.

Kelesi kezekte Qylshaqty óze­niniń basqa ýchaskelerin tazartý josparlanýda. Mamandardyń aıtýyna qaraǵanda, joba tolyq júzege asyrylǵan kezde ekolo­gııalyq jaǵdaı anaǵurlym saýyǵa túspek.

 

KО́KShETAÝ

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar