Oǵan Joǵarǵy Sottyń, Bas prokýratýranyń, Qarjy, Syrtqy ister mınıstrlikteriniń jáne kvazımemlekettik uıymdardyń ókilderi qatysty.
Kezdesý barysynda Alık Shpekbaev sybaılas jemqorlyq quqyq buzýshylyqtardy anyqtaý jáne tergeý, keltirilgen zalaldy belgileý men óteý boıynsha jumys nátıjelerin, sondaı-aq azamattyq qoǵammen belsendi ózara is-qımyl kezinde sybaılas jemqorlyqtyń aldyn-alý boıynsha qabyldanǵan sharalardy tanystyrdy.
Sybaılas jemqorlyqqa qarsy zańnamanyń jańashyldyqtary týraly aıta kele, Agenttik Tóraǵasy ótken jyldyń sońynda engizilgen saıası memlekettik qyzmetkerlerdiń otstavkasy qarastyrylǵan baǵynyshty qyzmetkerlerdiń sybaılas jemqorlyǵy úshin basshylardyń jeke jaýapkershilik ınstıtýtyn erekshe atap ótti.
Spıker Memleket basshysynyń bastamasymen qabyldanǵan saıası jańǵyrtý sharalaryna, atap aıtqanda, parlamenttik oppozısııanyń quqyqtyq mártebesin nyǵaıtýǵa, mıtıngterdi uıymdastyrý jáne ótkizý tártibin lıberalızasııalaýǵa, saıası partııalardy tirkeýdi jeńildetýge, áıelder men jastardyń partııalyq tizimderine qatysýdy qamtamasyz etýge, sondaı-aq jala jabýdy qylmystyq jolmen joıýǵa basa nazar aýdardy.
Otyrysqa qatysýshylar memlekettik qyzmet kórsetýdi avtomattandyrý, memlekettik apparat qyzmetin ońtaılandyrýdy, sandyq tehnologııalardy qoldaný arqyly sybaılas jemqorlyqty joıýǵa jáne eldiń árbir azamatynyń ómirin jaqsartýǵa baǵyttalǵan «Sıfrly Qazaqstan» memlekettik baǵdarlamasynyń júzege asyrylý barysyn talqylady.
Sarapshyǵa sot júıesiniń reformalary da túsindirildi. Atap aıtqanda, sottardyń jumysy týraly aqparattar toptamasynda sot prosesterin ótkizýdiń tolyqqandy onlaın formatyna, sot júıesindegi sybaılas jemqorlyqty joıý qaǵıdattaryn ustanýǵa jáne senimdi arttyrýǵa baǵyttalǵan sharalarǵa basa nazar aýdaryldy.
Qazaqstan Respýblıkasy Joǵarǵy Sotynyń Departament basshysy Naıl Ahmetzákirov sot júıesiniń ashyqtyǵyn qamtamasyz etý boıynsha qabyldanyp jatqan sharalar kelisim-sharttardy oryndaýdy qamtamasyz etý kórsetkishi boıynsha «Doing Business» reıtıngisinde Qazaqstannyń 4 orynǵa ıe bolýyna múmkindik bergenin atap ótti.
Qarjy vıse-mınıstri Rýslan Eńsebaev salyqtyq jáne kedendik ákimshilendirýdegi tendensııalarǵa, kóleńkeli ekonomıkaǵa qarsy turý jáne bıýdjettik josparlaýdyń ashyqtyǵyn qamtamasyz etý jónindegi sharalarǵa toqtaldy.
О́z kezeginde Aleks Melıkıshvılı Qazaqstannyń sybaılas jemqorlyqqa qarsy zańnamany jetildirý, bıznes úshin ákimshilik kedergilerdi azaıtý jáne memlekettik baqylaý-qadaǵalaý qyzmetin ońtaılandyrý boıynsha júrgizip jatqan júıeli jumystaryna joǵary baǵa berdi.
Pandemııa kezinde eldiń qabyldaǵan sharalaryn talqylaı otyryp, sarapshy qabyldanatyn sheshimderdiń, atap aıtqanda, bıýdjet qarajatyn jumsaý ashyqtyǵyn qamtamasyz etý qajettiligine nazar aýdardy.
Kezdesý sońynda Alık Shpekbaev halyqaralyq sarapshylarmen suhbat memlekettik basqarýdyń negizgi strategııasy men úzdik tájirıbeler týraly naqty túsinikke ıe bolýǵa múmkindik beretinin atap ótti, bul óz kezeginde sybaılas jemqorlyqqa qarsy saıasattyń odan ári basymdyqtaryn aıqyndaý úshin mańyzdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
