Jobanyń ekinshi kezeńin qarjylandyrdy

«Astana-Oıl» munaı úıi» JShS «Qazyna Kapıtal Menedj­ment» AQ-tan (QKM) QKM Sustai­nable Development Fund I C. V. (BV Mana­gement JShS basqarýynda) enshiles tikeleı ınvestısııalar qory ar­qyly Stepnogor qalasyndaǵy shaǵyn MО́Z jańǵyrtýdyń 2 kezeńin iske asyrý úshin 941,2 mln teńge mól­sherinde ekinshi transh aldy. Joba QKM-nyń jeńildikpen qar­jy­landyrý baǵdarlamasy boıynsha ınvestısııalar jáne kásiporynnyń óz qarajaty esebinen júzege asyrylady. 3,9 mlrd teńge kólemindegi birinshi transh «Astana-Oıl» munaı úıi» JShS-na 2019 jyldyń qyrkúıeginde jiberildi.

Shaǵyn MО́Z arktıkalyq qys­qy dızel otynyn óndirýge maman­dan­dyrylǵan, alynǵan ınvestı­sııalar óndiristi jańǵyrtýǵa baǵyttalǵan. Atap aıtqanda, QKM-nan alynǵan ekinshi transh jazǵy dızel otyny men gaz kondensatyn qysqy dızel otynynyń, joǵary oktandy benzınniń, propan-býtan suıy­tyl­ǵan gazynyń, pesh jáne keme oty­nynyń joǵary sapaly suryptaryna qaıta óńdeý úshin kómirsýtekterdiń ortasha fraksııalarynyń kata­lı­tıkalyq konversııa blogy bar «OPTIMA-150» MK munaı óń­deý qondyrǵysyn engizýge paıdala­nylatyn bolady. Jańa ınnova­sııalyq tehnologııa qaıta óńdeý te­reńdigin 95%-ǵa deıin art­ty­rýǵa, tehnologııalyq prosesti je­ńil­detýge jáne arzandatýǵa, qosylǵan quny joǵary munaı ónim­derin shyǵarýǵa jáne óńirde jańa jumys oryndaryn qurýǵa múm­kindik beredi.

– Aınalym qarajatyn tolyq­tyrýǵa birinshi transh boıynsha alyn­ǵan ınvestısııalar arqyly biz qaıta óńdeý úshin shıkizat jetkizýdi turaqtandyrdyq jáne arttyrdyq, bul jańǵyrtý aıaqtalǵannan keıin kásiporynǵa tolyq óndiristik qýat­tylyqqa shyǵýǵa jáne eldegi munaı ónimderi naryǵynda arktı­ka­lyq pen sapaly qysqy dızel otynynyń tapshylyǵyn azaıtýǵa múmkindik beredi, – deıdi «Astana-Oıl» munaı úıi» JShS bas dırektory Vladımır Grıshenko. – Jańǵyrtýdy belgilengen merzimde iske asyrýdy josparlap otyrmyz, pandemııa zaýyttyń qyzmetine aı­tarlyqtaı áser etpedi, óıtkeni dı­zel otynyn negizgi iri satyp alý­shylar, atap aıtqanda, jer qoı­naýyn paıdalanýshylar óz ónim­derin óndirýdi jalǵastyrýda jáne munaı ónimderin tolyq kólemde satyp alyp jatyr. Kásiporyndaǵy barlyq jumys oryndary saqtaldy, óndiris keste boıynsha júrgizilýde, dızel otynyn jóneltý jasalǵan sharttarǵa sáıkes júrgiziledi. Jańa munaı óńdeý qondyrǵysyn engizgennen keıin biz qosymsha 10-15 mamandy jumysqa qabyldaımyz.