Sonymen, osy jyldyń shilde aıynda "e-Salyq mobile" mobıldi qosymshasynda memlekettik kirister organdaryna barý kúni men ýaqytyn brondaý múmkindigi iske asyryldy. Bul fýnksııa qyzmet alýshylarǵa kezek kútý túrinde ýaqyt shyǵyndaryn joıýǵa múmkindik beredi. Sonymen qatar, koronavırýstyq ınfeksııanyń taralý qaýpi joǵary bolǵan jaǵdaıda, aldyn-ala brondaý múmkindigi qyzmet alýshylardyń aǵynyn retteýge, servıs ortalyqtarynda kezekterdiń paıda bolýyna jol bermeıdi. Onlaın brondaý
"e-Salyq mobile" mobıldi qosymshasynyń "Elektrondyq qyzmetter" bóliminde, sondaı-aq Komıtettiń portalynda qol jetimdi.
Sonymen qatar, kórsetiletin qyzmetti alýshylardyń memlekettik kirister organdarynyń jumysyna qanaǵattanýshylyq deńgeıin anyqtaý maqsatynda Komıtettiń portalynda "Saýalnama" bóliminde salyq tóleýshiler men syrtqy ekonomıkalyq qyzmet qatysýshylarynyń pikirlerin alý úshin onlaın-saýalnama iske asyryldy. Saýalnama qyzmet alýshylarǵa memlekettik kirister organdarynyń memlekettik qyzmetter kórsetý, qyzmet alýshylarǵa múlik salyǵy, jer salyǵy, kólik salyǵy jáne basqa da máseleler boıynsha qyzmet kórsetý sapasyn baǵalaýǵa múmkindik beredi. Saýalnama nátıjeleri Komıtettiń portalyna ornalastyrylady.
