Indet indep bara jatqan soń shekteý sharalaryn myqtap kúsheıtkenimiz amandyǵymyzdyń basty kepili boldy. Daýasy tabyla qoımaǵan dertke qarsy turar amalymyz – ázirge aldyn alyp, qorǵaný ǵana.
Karantınniń aıaqtalǵanyn jurt asyǵa kútkeni jasyryn emes. Deı turǵanmen, saqtyq sharalaryn barynsha ustanyp, dárigerler men medısına mamandarynyń aıtqan keńesterin esten shyǵarmaýymyz kerek. Sebebi indettiń izi óshti me, óshpedi me ol jaǵy bir Allaǵa aıan. Sondyqtan osy eldiń bir azamaty retinde Qazaq elin, otandastarymyzdy osal bolmaýǵa, karantın bitti eken dep bosańsymaýǵa, toı-tomalaqqa, adam kóp shoǵyrlanatyn jerlerge barmaýǵa shaqyramyn. Osyǵan deıin oryn alǵan qaıǵyly oqıǵalardan sabaq alyp, maskamyzdy taǵyp, jaqynymyzǵa janashyr bolýdy jadymyzdan shyǵarmasaq deımin. Qyzyq pen qýanyshqa, toı men dýmanǵa baratyn shattyqqa toly shaqtar áli alda. Ol úshin osynaý qıyn kezeńde qıylyp túspeı, el bolyp eńsemizdi tiktep, bir jeńnen qol, bir jaǵadan bas shyǵarar kúnde birligimizdi tanytyp, bir-birimizge qol ushyn bereıik. Tuǵyrly elimizdiń ǵumyrly bolashaǵyna seneıik. Irgemizdegi indetti birge jeńeıik.
Aıbek BEKBOSYN,
kúıshi-kompozıtor,
Á.Qashaýbaev atyndaǵy memlekettik fılarmonııasynyń dırektory
SEMEI
