Ortalyq mamandary ataýly áleýmettik kómek kórsetý boıynsha kelip túsken ótinishterdi jedel óńdeıtinderin aıtty. Tótenshe jaǵdaı rejımi bastalǵannan beri jarty mıllıonnan astam shymkenttik aqsha tabý múmkindigin joǵaltqan. Qujattaryn tapsyrǵan jumyssyzdardyń barlyǵy derlik memleketten aqshalaı ótemaqy aldy. Turǵyndardy qoldaý maqsatynda jalpy somasy 19,9 mıllıard teńge bólingen.
Senatorlar karantın alynyp tastalǵanyna qaramastan, jumysqa ornalastyrý jáne týyndaǵan áleýmettik problemalardy jedel sheshý arqyly halyqqa odan ári de kómek kórsetý kerek ekenin, ásirese adamdardyń ótinishterine qamqorlyqpen ári sergek qaraý qajet ekenin jetkizdi.
Qaıtadan karantındik shekteý sharalary engizilgennen keıin Jumyspen qamtý ortalyǵyna jumys berýshilerden 26 myńnan astam ótinish kelip túsip, 33 myń adamdy jumyspen qamtý múmkindigi bar ekeni kórsetilgen. Sonymen qatar, Ortalyq jalpy somasy 6 mıllıard teńgege taǵy 141,5 myń turǵynǵa materıaldyq kómek kórsetti.
Senatorlar, sondaı-aq, ákimdik pen qaıyrymdylyq uıymdarynyń ókilderine az qamtylǵan jáne kópbalaly otbasylarǵa azyq-túlikpen kómek kórsetýdi toqtatpaý týraly ótinish bildirdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
