Semınar Qyzylorda oblysy Syrdarııa aýdany Shirkeıli aýylynda ornalasqan «Ysamaddın» sharýa qojalyǵynda ótti. Bul semınar qatysýshylaryna sharýa qojalyǵynyń sońǵy jyldardaǵy jetistikterin óz kózimen kórýge múmkindik berdi. «Aýyl» HDPP múshesi, «Ysamaddın» sharýa qojalyǵynyń basshysy Janarbek Nurymbetov semınar qatysýshylaryna sharýashylyǵyn aralatyp, kásibiniń qyr-syrymen tanystyrdy. Onyń aıtýynsha, «Ysamaddın» sharýashylyǵy 10 jyldan asa iri qara men jylqy ósirýmen aınalysyp keledi. 2012 jyly munda bir aýysymda 2,5-5 tonnaǵa deıin et óńdeıtin kesheniniń jumysy iske qosyldy. Búgingi tańda sharýa qojalyǵy Qyzylorda oblysynyń turǵyndaryn azyq-túlikpen (sút, maı, et), shıkizatpen (jún, teri) qamtamasyz etýde.
Sonymen qatar semınarda «Atameken» kásipkerler palatasy oblystyq fılıalynyń Bastaý bıznes jobasy boıynsha aǵa keńesshisi Madına Qasymjan jastarǵa bıznes bastaýdyń praktıkalyq tájirbıe keńesimen bólisti. Aýyl sharýashylyǵy taýar óndirýshilerin qoldaý jónindegi memlekettik baǵdarlamalar, sýbsıdııalar, kredıtter jáne t.b. týraly egjeı-tegjeıli aıtyp berdi.
Qatysýshylar semınardyń sharýa qojalyǵynda ótkeni qyzyqty, tanymdy jáne jaqsy tájirıbe bolǵanyn atap ótti. Olar búkil sharýashylyqtyń jumysyn, maldy ustaý jaǵdaılaryn kórý múmkindigine ıe boldy. Aımaqtyń jetekshi fermerleriniń óz tájirıbelerimen bólisýi, olardyń jumystaǵy jetistikterin kórý semınar qatysýshylary úshin keleshekke maqsat qoıýǵa jáne oǵan jetý jolynda tabandylyq tanytýǵa shabyttandyrdy.
«Aýyl» partııasy Qyzylorda oblysy boıynsha fılıalynyń tóraǵasy Serikbaı О́mirzaqovtyń aıtýynsha, partııanyń kóptegen fılıaly mundaı jınalystardy óndiriste ótkizedi. О́ıtkeni dál osyndaı format óziniń tıimdiligin dáleldedi. Sharýashylyqtyń shynaıy jaǵdaıymen tanysqan bolashaq kásipkerlerge bul tuńǵysh tájirıbeden ótkenmen birdeı. Osyndaı semınarlardan keıin olardyń salaǵa degen qyzyǵýshylyǵy artyp, agrarlyq salada alǵashqy qadamdaryn bastaıdy.
Aıta keteıik, atalǵan semınar «Aýyl» HDPP XVI sezinde qabyldanǵan partııanyń «Aýyl-dostar» saıası bastamasy aıasynda ótti. Bastama maqsaty týǵan aýylynyń bolashaǵyna beı-jaı qaramaıtyn partııanyń barlyq jaqtastaryn, óz Otanyn súıetin el patrıottaryn biriktirýge baǵyttalǵan.
